तनहुँको आँबुखैरेनी गाउँपालिकाद्वारा बहुउद्देश्यीय भवनको शिलान्यास
भञ्ज्याङ न्यूज
तनहुँको आँबुखैरेनी गाउँपालिकाले निर्माण गर्न लागेको पाँच तले बहुउद्देश्यीय भवनको शिलान्यास गरिएको छ । गाउँपालिकाका अध्यक्ष गिरबहादुर थापाले बुधबार एक कार्यक्रमबीच भवनको शिलान्यास गरेका छन् ।
कूल लागत १३ करोड ७४ लाख एक हजार ७८१ रुपैयाँ लागतमा भवन निर्माण गर्न लागिएको गाउँपालिकाका प्रमुख प्रशासकीय अधिकृत विष्णुप्रसाद पोखरेलले जानकारी गराए । गाउँपालिकाको नाममा रहेको ४९३.५८ वर्गमिटर क्षेत्रफलमा भवन निर्माण गर्न लागिएको हो। भवन पाँच तलाको बनाउने लक्ष्य रहे पनि पहिलो चरणमा तीन तलाको निर्माण गरिने गाउँपालिकाले जनाएको छ ।
पहिलो चरणामा दुइ करोड ३९ लाख ८८ हजार ७७८ रुपैयाँ बजेट विनियोजन गरिएको छ । उक्त भवनको जिम्मा श्री ज्ञान ज्योति विर्ल्र्डस प्राली काभ्रेले पाएको छ। विसं २०७९ कात्तिक १५ गतेभित्रमा सम्पन्न गर्नुपर्ने गरी सम्झौता गरिएको गाउँपालिकाका सूचना अधिकारी शिखरलाल डोटेलले जानकारी दिए ।
यस्तै, आव ०७५/०७६ मा गाउँपालिकाले प्रशासकीय भवन निर्माण कार्य शुरु गरेको थियो । उक्त भवनको पहिलो चरणमा छिम्केश्वरी निर्माण सेवा आँबुखैरेनीले पाएको थियो । उक्त निर्माण कम्पनीलाई गाउँपालिकाले एक करोड १७ लाख ६७ हजार ३५४ रुपैयाँ भुक्तानी गरेको गाउँपालिकाले जनाएको छ ।
दोस्रो चरणमा आव ०७७/०७८ मा सिजल कन्सक्ट्रसन जेभीले कामको जिम्मा पाएको थियो । सम्झौता २०७६ माघ २१ गते सम्झौता गरी २०७८ साउन २१ गते निर्माण सम्पन्न हँुदैछ । उक्त निर्माण कम्पनीले एक करोड ९१ लाख १० हजार ११२ रुपैयाँमा सम्झौता गरेको थियो । उक्त भवन ३२३.२२ वर्गमिटर क्षेत्रफलमा निर्माण गरिएको गाउँपालिकाले जनाएको छ ।
