जनगणनाका लागि घरघरमा सुपरिवेक्षक
यही भदौ ३० गतेबाट शुरु गरिएको राष्ट्रिय जनगणना २०७८ कार्यक्रममा तनहुँको व्यास-१२ लामिडाँडामा घरपरिवारको सूचीकरण गर्दै सुपरिवेक्षक । ‘मेरो गणना : मेरो सहभागिता’ नारासहित शरु गरिएको जनगणना अर्न्तर्गत तनहुँमा १३० सुपरिवेक्षक परिचालन गरिएको छ । सुपरिवेक्षकहरूले आगामी असोज १८ गतेभित्र घरपरिवारको सूचीकरण कार्य गर्नेछन् ।
यस अवधिमा सुपरिवेक्षकले घरपरिवारमा बसोबास गर्ने सदस्य महिला, पुरुष र यौनिक तथा लैङ्गिक अल्पसंख्यकको संख्या भर्नेछन् । गणकहरु यो पटक विभिन्न ७ प्रश्न लिएर गाउँ पुगेका छन् । परिवारको संख्याबाट सुरु हुने प्रश्नहरुले व्यक्तिको पेशा, आयश्रोत, शैक्षिक अवस्था व्यापार, व्यवसाय, बैंक तथा वित्तीय संस्थाको अवस्था, उद्योगहरुको संख्या लगायतका विविध विषयहरु समेट्ने छन् । तस्विर : भञ्ज्याङ
