प्रधानमन्त्री भएर देशको उन्नति गर्ने चाहना छ : नेता पौडेल

नेपाली कांग्रेसका वरिष्ठ नेता रामचन्द्र पौडेलले कार्यकारी प्रमुख भएर देशको उन्नति गर्ने चाहना रहेको बताएका छन् । तनहुँको देवघाट गाउँपालिकाद्वारा विहीबार आयोजित सम्मान कार्यक्रमलाई सम्बोधन गर्दै उनले प्रधानमन्त्री बनेर देश विकास गर्ने आफ्नो चाहना भएको बताए ।

उनले भने, ‘अहिले नेपालमा देखा परेका सङ्कटलाई हटाउन चाहन्छु । बलियो नेपाल बनाउन चाहन्छु, सुरक्षित नेपाल बनाएर सम्पन्न नेपाली बनाउन चाहन्छु ।’ देश विकासको प्रमुख बाधक भ्रष्टाचार रहेकाले भ्रष्टाचारको जालोलाई तोड्ने एवं तनहुँ-१ का नवनिर्वाचित प्रतिनिधिसभा सदस्य पौडेलको भनाइ थियो ।

वरिष्ठ नेता पौडेलले जनताको आकाङ्क्षा पूरा गर्न लाग्ने जनाउँदै विकास आयोजनका लागि बजेट अभाव नहुने प्रष्ट पारे । उनले भने, ‘देवघाटलाई धार्मिक पर्यटनको केन्द्र बनाइने र यहाँ पर्यटनबाट समृद्धि सम्भव रहेको बताए । उनले भने, र्’पर्यटनको विकास भएपछि यहाँ होटल रेष्टुरा खुल्छ, रोजगारीको अवसर सिर्जना हुन्छ, यहाँका जनतालाई सहज हुन्छ ।’

सेयर गर्नुहोस्

प्रतिक्रिया दिनुहोस्

सम्बन्धित खवर