जनज्योति क्याम्पसको अध्यक्षमा पुनः आले चयन, क्याम्पस प्रमुखलाई सम्मान
भञ्ज्याङन्यूज
तनहुँको भिमाद नगरपालिका स्थित जनज्योति क्याम्पसको पाँचौ अधिवेशनले जीतप्रकाश आलेको अध्यक्षतामा र्सवसहमत रुपमा क्याम्पस सञ्चालक समिति चयन गरेको छ ।
सञ्चालक समितिको सदस्यहरुमा शारदा खनाल, उमाकान्त श्रेष्ठ, जीवनाथ अर्याल, मौसम शर्मा गैह्रे, इन्दिरा खड्का, चुडामणि खनाल, मिलन आले, नरेन्द्र थापा, कृष्णकला सुवेदी, पदमराज सेन, श्यामसुन्दर जोशी, हरि प्रसाद सुवेदी र सदस्य-सचिव केशवराज काफ्ले चयन भएका छन् ।
क्याम्पसको सामाजिक परीक्षण समितिको संयोजकमा चन्द्रप्रकाश सुवेदी र सदस्यहरुमा उदयराज सुवेदी, दिनानाथ पराजुलीलाई चयन गरिएको छ ।
यस्तै, क्याम्पस प्रमुख केशवराज काफ्लेलाई उत्कृष्ट प्रशासनिक कार्य गरेको भन्दै सम्मान गरिएको छ । क्याम्पसको १६औं वार्षिकोत्सव, नवनिर्मित भवन उद्घाटन एवं पाँचौ अधिवेशनको अवसरमा क्याम्पसको प्रशासनिक सेवामा आफूलाई समर्पित गरेको बन्दै सम्मानपत्र सहित सम्मान गरिएको थियो ।
क्याम्पस प्रमुख काफ्लेलाई क्याम्पस सञ्चालक समितिका अध्यक्ष एवं गण्डकी प्रदेशका आर्थिक मामिला मन्त्री जीतप्रकाश आले मगर र क्याम्पसका अनुगमन तथा मूल्याङ्कन समितिका संयोजक एवं भिमाद नगरपालिकाका नगरप्रमुख दधिराज सुवेदीले सम्मान गरेका थिए ।
