एसइइ पुरक परीक्षाका लागि तनहुँमा चार केन्द्र, कुन विद्यालयको केन्द्र कहाँ ? (सूची सहित)
दमौली : माध्यमिक शिक्षा परीक्षा (एसइइ)को यही साउन २९ गतेदेखि सञ्चालन हुने पुरक परीक्षाका लागि तनहुँमा चार वटा केन्द्र तोकिएको छ ।
गत साउन २ गते बसेको जिल्ला परीक्षा समन्वय समिति तनहुँको बैठकले एसइइ पुरक परीक्षाका लागि चार वटा परीक्षा केन्द्र र केन्द्राध्यक्ष तोक्ने निर्णय गरेको हो ।
पुरक परीक्षामा सहभागी हुने प्राविधिक धारतर्फका सबै परीक्षार्थीका लागि परीक्षा केन्द्र दमौलीस्थित सत्यवती माध्यमिक विद्यालय कायम गरिएको शिक्षा विकास तथा समन्वय इकाइ तनहुँका प्रमुख कृष्णप्रसाद श्रेष्ठले जानकारी दिए ।
परीक्षा समन्वय समितिले बन्दीपुर–१ पिप्ले स्थित पवित्र माध्यमिक विद्यालय, व्यास–२ दमौली स्थित सत्यवती माध्यमिक विद्यालय, शुक्लागण्डकी नगरपालिकाको खैरेनीटारस्थित खैरेनी माध्यमिक विद्यालय र भिमाद नगरपालिकाको भिमादस्थित जनज्योति माध्यमिक विद्यालयमा परीक्षा केन्द्र कायम गरेको छ ।
परीक्षामा साधारणतर्फ एक हजार ४४९ र प्राविधिकतर्फ २७ गरी एक हजार ७७६ परीक्षार्थी सहभागी हुँदैछन् ।
परीक्षा केन्द्र र विद्यालयको सूचि
