माथीबाट ढुङ्गा खस्दा तनहुँ हाइड्रोपावरका एक मजदुरको मृत्यु, एक घाइते
जिल्लाको ऋषिङ गाउँपालिका–१ झापुटारस्थित निर्माणधिन तनहुँ हाइड्रोपावरको सुरुङ मार्ग भन्दा बहिरा माथीबाट ढुङ्गा खस्दा एक मजदुरको मृत्यु भएको छ । मृत्यु हुनेमा ऋषिङ–१ मालिङगाका ५० वर्षीय कृष्णबहादुर पुलामी रहेको जिल्ला प्रहरी नायव उपरीक्षक दिपककुमार रायले बताए ।
सुरुङ मार्ग भन्दा बहिरा शनिबार दिउँसो करिव ४ बजे ढुङ्गा खस्दा टाउको र पेटमा चोट लागेको पुलामीलाई दमौली अस्पतालमा उपचारको लागि ल्याइएकोमा चिकित्सकले मृत घोषण गरेको प्रहरी नायव उपरीक्षक रायले बताए । यस्तै, लमजुङ सुन्दरबजार नगरपालिका–२ का ५१ वर्षीय समलाल श्रेष्ठ घाइते भएका छन् । रत्नहरी अस्पतालमा उपचरत श्रेष्ठको बायाँ खुट्टा र टाउकोमा चोट लागेको छ । उनको अवस्था सामान्य रहेको छ ।
