तनहुँ प्रहरीद्वारा नदीजन्य पदार्थ उत्खनन् तथा ओसार पसार गर्ने सवारी साधन नियन्त्रणमा

तनहुँ प्रहरीले अबैध रुपमा नदीजन्य पदार्थ उत्खनन् तथा ओसार पसार गर्ने ८ वटा सवारी साधान नियन्त्रणमा लिएको छ । प्रहरीले व्यास नगरपालिका-७ स्थित मादीनदीको किनारबाट अबैध रुपमा बालुवा उत्खनन् एवं लोड गरी लिई हिडेको अवस्थामा ग१त २८३१, ना२त ७३५७, ग१त ३७३५ र ग१त ४०५५ नं. को ट्याक्टरहरुलाई प्रहरी चौकी कलेस्ती तनहुँबाट खटिएको प्रहरी टोलीले नियन्त्रणमा लिएको हो ।

नियन्त्रणमा लिइएका सवारी साधानलाई व्यास नगरपालिकाको कार्यालयमा पठाएकोमा उक्त कार्यालयबाट प्रति ट्याक्टर ८ हजार रुपैयाँका दरले ३२ हजार रुपैयाँ जरिवाना तिराएको बताएइएको छ । राती र बिहानीपख व्यास-१ मनकामनाचोकमा बन्दिपुर गाउँपालिका-६ सारङ्घाटमा बन्द रहेको नमुना ग्रिड क्रसरबाट अबैध रुपमा गिट्टी बालुवा लोड गरी दमौली तर्फ ल्याउदै गरेको अवस्थामा ग२ख ८२०९ र ग१क ४२६१ नम्बरको टिप्परलाई प्रहरी टोलीले फेला पारी बन्दिपुर गाउँपालिकाको कार्यालयमा पठाएको थियो । गाउँपालिकाले प्रति टिप्प २० हजार रुपैयाँका दरले ४० हजार रुपैयाँ जरिवाना गरी छाडेको बताइएको छ ।

यस्तै, घिरिङ गाउँपालिका-१ पुट्टार स्थित कालीगण्डकी नदीबाट अबैध रुपमा उत्खनन् गरी बालुवा लोड गरी लिई हिडेको अवस्थामा लु४त ७२०६ र लु३त ३०२६ नम्बरको ट्याक्टरहरुलाई प्रहरी चौकी पुट्टारबाट खटिएको प्रहरी टोलीले फेला पारी नियन्त्रणमा लिएको छ । नियन्त्रणमा लिएका ट्याक्टरलाई घिरिङ गाउँपालिकाको कार्यालयमा पठाएकोमा उक्त कार्यालयबाट प्रति ट्याक्टर १ हजार रुपैयाँको दरले जरिवाना गरी छाडेको प्रहरी नायव उपरीक्षक युवराज तिमिल्सिनाले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर