तनहुँको भिमादमा चट्याङ लागेर २४ बर्षीय युवकको मृत्यु
तनहुँमा शुक्रबार बिहान चट्याङ लागेर २४ बर्षीय युवकको मृत्यु भएको छ । प्रहरीले दिएको जानकारी अनुसार भिमाद नगरपालिका–८ ढुंगढुंगे अर्चलेका अर्जुन विक को मृत्यु भएको हो । बिहान ७ बजेतिर घरमा दाउरा चिर्दै गर्दा चट्याङ लागेको सख्त घाइते भएका थिए ।
घाइते बिकको उपचारका लागी जिपी कोइराला राष्ट्रिय श्वासप्रश्वास उपचार केन्द्र बेलचौतारा ल्याइएकोमा मृत्यु भएको तनहुँका प्रहरी नायव उपरीक्षक युवराज तिमिल्सेनाले जानकारी दिनुभयो । विकको शव पोष्टमार्टमका लागी दमौली अस्पताल राखिएको छ ।
