सडक डाइभर्सन
पृथ्वीराजमार्ग अन्तर्गत आँवुखैरेनी-जामुने खण्डको आँवुखैरेनीमा सडक डाइभर्सन गरी सडक विस्तारको काम गरिदै । आँबुखैरेनी-जामुने पूर्वी खण्डको ४१.४५ किलोमिटर सडक स्तरोन्नतिको ठेक्का चाइना कम्युनिकेशन कन्स्ट्रक्सनले ६ अर्व २१ करोड ३१ लाख १३ हजार रुपैयाँमा ठेक्का सम्झौता गरी सडक विस्तारको काम तीब्र पारेको छ । आँवुखैरेनीदेखि पोखरासम्मको सडकलाई दुइ खण्डमा विभाजन गरी अहिले सडक सिमाक्षेत्रका रुख काट्ने काम अन्तिम चरणमा पुर्याइएको छ । पश्चिम खण्ड अन्तरगत जामुने-पोखरा ३९ किलोमिटर सडकको ठेक्का चिनियाँ कम्पनी यनहुइ काइयुआन हाइवे एन्ड ब्रिज कम्पनीले ७ अर्ब ४० करोड ४६ लाख रुपैयाँ ठेक्का सम्झौता गरी काम अगाडि बढाउको छ । वि.सं. २०२६ सालमा रेखाङ्कन भएको पृथ्वीराजमार्गमा सवारीको चाप बढ्दै गएपछि एसियाली विकास बैंक (एडीबी)को ऋण सहयोगमा सडक चार लेनको बनाउन लागिएको हो ।
तस्विर : निशा थापा मगर/भञ्ज्याङ
