तनहुँमा २ लाख ४४ हजार ३४० मतदाता, महिला मतदाताको संख्या १० हजार बढी

आगामि बैशाख ३० गते हुने स्थानीय तहको निर्वाचनका लागि तनहुँमा २ लाख ४४ हजार ३४० जना मतदाता रहेको अन्तिम मतदाता संख्याको विवरण सार्वजनिक गरिएको छ । जिल्ला निर्वाचन कार्यालय तनहुँका अनुसारमा जिल्लाको १० वटै पालिकामा १ लाख २७ हजार २०६ महिला र १ लाख १७ हजार १३४ पुरुष मतदाता रहेका छन् ।

जिल्लामा पुरुष भन्दा महिला मतदाताको संख्या १० हजार ७२ बढि रहेको छ । निर्वाचन कार्यालयले जिल्लाका चार नगरपालिका र छ गाउँपालिकाका १३६ मतदात स्थलमा २९७ मतदान केन्द्र कायम गरिएको जिल्ला निर्वाचन अधिकारी हरि ढकालले बताए ।

जिल्लाका दश स्थानीय तहमध्ये सबैभन्दा बढी मतदाता व्यास नगरपालिकामा ४७ हजार ५४२ र सबैभन्दा कम देवघाट गाउँपालिकामा १२ हजार ८१५ रहेका छन् । निर्वाचन आयोगले सार्वजनिक गरेको तथ्याङ्क अनुसार व्यास नगरपालिकामा पुरुष २२ हजार ४१३ र २५ हजार १२९ महिला मतदाता गरी कुल ४७ हजार ५४२, भानु नगरपालिकामा १९ हजार ५४४ पुरुष र २० हजार ९५२ गरी ४० हजार ४९६ मतदाता रहेका छन् ।

शुक्लागण्डकी नगरपालिकामा ३८ हजार ३१५ मतदातामध्ये १८ हजार ५० पुरुष र २० हजार २६५ महिला मतदाता छन भने भिमाद नगरपालिकामा २४ हजार ८८४ मतदातामध्ये ११ हजार ८९९ पुरुष र १२ हजार ९८५ महिला मतदाता रहेका छन् ।

त्यस्तै, म्याग्दे गाउँपालिकामा ८ हजार ५७९ पुरुष र ९ हजार ५२६ महिला मतदाता गरी १८ हजार १०५, बन्दिपुर गाउँपालिकामा ७ हजार ५६४ पुरुष, ८ हजार ७४ महिला मतदाता गरी १५ हजार ६३८, देवघाट गाउँपालिकामा ६ हजार ३७५ पुरुष र ६ हजार ४४० महिला गरी १२ हजार ८१५, घिरिङ गाउपालिकामा ७ हजार ११७ पुरुष र ७ हजार ५५९ महिला गरी १४ हजार ६७६, ऋषिङ गाउँपालिकामा ८ हजार ९५१ पुरुष र ९ हजार २८७ महिला गरी १८ हजार २३८ मतदाता छन् भने आबुखैरेनी गाउँपालिकामा ६ हजार ६४२ पुरुष र ६ हजार ९८९ महिला गरी १३ हजार ६३१ जना मतदाता रहेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर