आदिकविमा मानसिक स्वास्थ्य विषयक अभिमुखिकरण
तनहुँको दमौली स्थित आदिकवि भानुभक्त क्याम्पसमा विश्व मानसिक स्वास्थ्य दिवस मनाईएको छ । अक्टोबर ६ गते संसार भरि विश्व मानसिक स्वास्थ्य दिवस मनाइने गरिन्छ । ‘मानसिक स्वास्थः सबैको अधिकार’ भन्ने नाराका साथ मनोसामाजिक परामर्शका क्षेत्रमामा नेपालमा कार्यरत गैह्र सरकारी संस्था ‘कोशिश’ तनहुँले क्याम्पसको समन्वयमा मंगलबार उक्त कार्यक्रम गरेको हो ।
उक्त कार्यक्रममा क्याम्पसका प्राध्यपक र विद्यार्थीहरुका लागि मानसिक स्वास्थ्य सम्बन्धी सचेतना अभिमुखिकरण कार्यक्रम गरिएको थियो । ‘कोशिश’ तनहुँका संयोजक महेन्द्र आचार्यले मानसकि स्वास्थ्य र अहिले देखिएको समस्याका विषयमा सहिजकरण गरेका थिए।
उक्त अभिमुखीकरण कार्यक्रममा क्याम्पस प्रमुख महाप्रसाद हड्खलेले क्याम्पसका विद्यार्थीहरुले झेल्दै आएको तनाबका बारेमा जानकारी गराएका थिए । कार्यक्रममा मानसिक स्वास्थ्य भनेको के हो ?, मानसिक स्वास्थ्य बारे विश्वव्यापी तथ्याङ्क र नेपालको अवस्था, मानसिक स्वास्थ्यका समस्याले आउने चुनौती र त्यसका समाधानका उपायहरूको विषयमा सहभागिहरुलाई जानकारी गराइएको थियो ।
