पक्राउ परेकालाई छाड्ने र्सतमा घिरिङको कृष्ण माविमा ९:१५ बजेबाट मतदान सुरु
भञ्ज्याङ न्यूज
तनहुँको घिरिङ गाउँपालिका-१ को कृष्ण माध्यमिक विद्यालयको मतदान केन्द्रमा ९:१५ बजेबाट मतदान कार्य सुरु भएको छ ।
प्रहरीले दुइ जना एमाले कार्यकर्ता पक्राउ गरेपछि मतदान कार्य स्थगित भएको थियो । शनिबार बेलुका कांग्रेस र एमालेबीच झडप भएपछि प्रहरीले दुइ जना एमाले कार्यकर्ता पक्राउ गरेको थियो ।
कार्यकर्ता पक्राउ गरेको विरोधमा घिरिङ गाउँपालिका-१ पुट्टारस्थित कृष्ण मावि मतदान केन्द्रमा अहिले मतदान कार्य सुरु भएको छ ।
एमाले नेता विष्णुभक्त सिग्देलका अनुसार पक्राउ परेका कार्यकर्तालाई तत्काल रिहा गर्ने र्सतमा बिहान ९:१५ बजेबाट शान्तिपूर्ण रुपमा मतदान कार्य सुरु भएको छ ।
उनले एमालेको विजय सुनिश्चित हुने देखेपछि एमाले कार्यकर्ता पक्राउ गरेर त्रास फैलाउने काम गरिएको बताए ।
प्रमुख जिल्ला अधिकारी विश्व प्रकाश आर्यालका अनुसार चुनाव प्रचार प्रसारका क्रममा स्थानीयहरु बीच केही विवाद भएको र त्यसै विवादका कारण अवरुद्ध मतदान कार्य अहिले सर्वपक्षीय सहमतिमा ९:१५ बजेबाट मतदान कार्य सुरु भएको छ ।
