३६औं वार्षिकोत्सवकामा नबिल बैंकको नयाँ योजना सार्वजनिक
नबिल बैंकले अहिलेको विषम् परिस्थितलाई लक्षित गर्दै सम्पूर्ण ऋणी तथा ग्राहकको आवश्यकतालाई सहज बनाउने उद्देश्य सहित ‘३६औं वार्षिकोत्सव योजना’ सार्वजनिक गरेको छ ।
योजना अन्तर्गत, बैंकले रिटेल कर्जा (घर कर्जा, धितो कर्जा, व्यक्तिगत ओभरड्राफ्ट) र साना तथा मझौला ब्यवसाय कर्जामा विशेष व्याज छुट दिने भएको छ ।
जस अन्तर्गत घर कर्जामा ७.९९ प्रतिशत, धितो कर्जामा ८.४९ प्रतिशत, व्यक्तिगत ओभर ड्राफ्टमा ८.४९ प्रतिशत, साना तथा मझौला कर्जामा ७.९९ प्रतिशत रहेको बैंकले जनाएको छ ।
बैंकले सिमित समयको लागि ल्याएको यो विशेष छुट वाषिर्कोत्सव योजनाको प्रक्रिया सबै शाखाहरुबाट अगाडी बढाउन सकिने जनाएको छ ।
यस योजनाबाट रिटेल र साना तथा मझौला ब्यवसायका ग्राहकहरुलाई केही सहायता पुग्ने बैंकले विश्वास गरेको छ ।
सन् १९८४ देखि आफ्ना ग्राहकहरुलाई समायनुकुल सेवा प्रदान गर्दै आएको यस बैंकको ११८ शाखा, १७५ एटिएम र १५०० भन्दा बढि नबिल रेमिट एजेन्टहरु रहेको बैंकका संस्थागत संचार विभाग प्रमुख कृष्ण सुवेदीले जानकारी गराएका छन् ।
नबिल बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भुमिका खेल्नुका साथै नेपालको बैंकिङ्ग विकासको इतिहासमा कोसेढुङ्गाको रुपमा काम गर्दै आएको छ ।
