क्षेत्री समाज नेपाल आँबुखैरेनीको अध्यक्षमा सुमन बगाले चयन
आँवुखैरेनी : क्षेत्री समाज नेपाल आँबुखैरेनीको पालिकास्तरीय बृहत् भेला तथा प्रथम अधिवेशन शनिबार सम्पन्न गरिएको छ। उक्त अधिवेशनले सुमन बगालेको अध्यक्षतामा १७ सदस्यीय नयाँ कार्य समिति चयन गरेको छ ।
नवगठित कार्य समितिको उपाध्यक्षद्वयमा लक्ष्मण थापा क्षेत्री र बिमला कुँवर चयन भएका भने, सचिवमा प्रताप बाबु थापा क्षेत्री, सह–सचिवमा सृजना थापा र कोषाध्यक्षमा राहुल के.सी. चयन भएका छन् ।
यस्तै, समितिको सदस्यहरूमा रामशरण के.सी., श्याम के.सी., बाबुराम देवकोटा, तार्जन बगाले, गोबर्द्धन कार्की, रजनी चुमान, बिष्णु घिमिरे क्षेत्री, गौरी कार्की, सृजना के.सी., गोपाल थापा र मालती अधिकारी रहेको बताइएको छ ।
क्षेत्री समाज नेपालका केन्द्रीय अध्यक्ष रिब बहादुर थापा क्षेत्री प्रमुख आतिथ्यतामा आयोजित कार्यक्रममा समाजको संगठनात्मक सुदृढीकरण, स्थानीय तहमा समुदायको सहभागिता तथा सामाजिक सद्भाव प्रवर्द्धनका विषयमा छलफल गरिएको थियो।
