भोलीदेखि भारी वर्षाको सम्भावना, सचेत रहन तनहुँ प्रशासनको आग्रह
भञ्ज्याङ न्यूज
भोली बुधबारदेखि तीनदिनसम्म भारी वर्षाको सम्भावना रहेको भन्दै सचेत रहन तनहुँको स्थानीय प्रशासनले सर्वसाधरणलाई आग्रह गरेको छ ।
जल तथा मौसम विज्ञान विभाग मौसम पूर्वानुमान महाशाखाले आज प्रकाशन गरेको मौसम पूर्वानुमान बुलेटिनमा भोलीदेखि तनहुँमा भारी वर्षा हनु सक्ने सम्भावना रहेको उल्लेख गरेको छ ।
भारी वर्षाका कारण बाढी, पहिरो र डुबान हुन सक्ने भन्दै प्रशासनले सचेत रहन आग्रह गरेको छ ।
जिल्ला प्रशासन कार्यालय तनहुँका सहायक प्रमुख जिल्ला अधिकारी चित्राङ्गत बरालका अनुसार सेती, मादी, मर्स्यादी, त्रिशुली, कालीगण्डकी लगायतका नदी र खोला छेउछाउमा नजान र्सवसाधरणलाई आग्रह गरिएको छ ।
त्यसैगरी कुनै विपद्को घटना भएमा तत्काल जिल्ला आपतकालिन संचालन केन्द्रको फोन नं ०६६५६११६१ प्रमूख जिल्ला अधिकारीको फोन नं ९८५६०६७७७७, सहायक प्रमूख जिल्ला अधिकारीको फोन नं ९८५६००११११ र प्रहरी उपरीक्षकको फोन नं. ९८५६०६५५५५ मा सर्म्पर्क गरी जानकारी गराउन सकिने जनाइएको छ ।
