तनहुँको डुम्रेमा फेमिली मार्ट सञ्चालन

तनहुँको बन्दिपुर गाउँपालिका-१ डुम्रे बजारमा ‘डुम्रे फेमिली मार्ट’ सञ्चालनमा ल्याइएको छ । करिब १४ वर्ष वैदेशीक रोजागरीका क्रममा सिकेको ज्ञान र सीपलाई उपयोग गर्दै युसुफ अलीले डुम्रेको बन्दिपुरचोकमा फेमिली मार्ट सञ्चालनमा ल्याएका हुन् ।

उक्त मार्टको मंगलबार एक कार्यक्रमका बीच गाउँपालिकाका अध्यक्ष पूर्णसिंह थापा र वडाध्यक्ष भानुभक्त पोख्रेलले संयुक्त रुपमा उद्घाटन गरी व्यवसाय शुभारम्भ गरेका छन् । सो अवसरमा गाउँपालिकाका अध्यक्ष थापाले आधुनिक प्रविधिको प्रयोग गरी गुणस्तरीय वस्तुको खरिद बिक्री र एकै थलोमा उपभोक्ताले आवश्यक वस्तु खरिद गर्ने वातावरण बनेको भन्दै शुभकामना व्यक्त गरे ।

यस्तै, वडाध्यक्ष पोख्रेलले डुम्रेबजार तनहुँसंगै गोरखा, लमजुङ, मनाङसम्मको मुख्य व्यापारिक केन्द्र भएको हुँदा उपभोक्ताको आवश्यकातालाई पहिचान गरी मार्ट सञ्चालनमा ल्याइएकोमा सञ्चालकहरुलाई धन्यवाद व्यक्त गरेका थिए । उनले आधुनिक प्रविधिको प्रयोग गरी स्थानीय स्तरमा उत्पादित उपजको बजारीकरणमा समेत ध्यान दिन व्यवसायीहरुलाई आग्रह गरेका छन ।

करिब ३५ लाख रुपैयाँ लगानिमा सञ्चालन गरिएको फेमिली मार्टमा दैनिक उपभोग्य वस्तु, घरायसी सामाग्रि, बालबालिकाका खेलाउनका साथै बर्थ-डे केकका साथै आवश्यक सामाग्रिहरु बिक्री वितरण गरिने व्यवस्था गरिएको सञ्चालक युसुफ अलीले बताए । सञ्चालक अलीको फेमिली मार्टमा चार जनाले प्रत्यक्ष रोजागरी समेत पाएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर