चाडपर्वलाई लक्षित गरी शुक्लागण्डकीको बजार अनुगमन शुरु

चाडपर्वलाई लक्षित गरी शुक्लागण्डकी नगरपालिकाले बजार अनुगमन शुरु गरेको छ । चाडपर्वको बेलामा अखाद्य र म्याद गुज्रिएका उपभोग्य बस्तुहरु बिक्री हुने अवस्थालाई मध्यनजर गर्दै नगरपालिकाले बजार अनुगमन थालेको हो । सोमबार प्रशासन शाखा प्रमुख लक्ष्मण लम्सालको नेतृत्वमा निस्केको अनुगमन टोलीले दुलेगौँडाका मुख्य खाद्यन्न तथा तरकारी पसलहरुको अनुगमन गरेको थियो । बजार अनुगमनको क्रममा कानुनी रुपमा दर्ता नगरी व्यवसाय संचालन गरिएको, दर्ता नविकरण नगरिएको, म्याद गुर्जेका उपभोग्य बस्तुहरु बिक्री योग्य बस्तुसंगै राखिएको, लेवल नराखिएको भेटिएको थियो ।

बजारमा मुख्य गरी पाउरोटीजन्य सामानहरु म्याद गुर्जेको भेटिएको थियो । म्याद गुर्जेका सामानहरु जफत गरिएको छ भने दर्ता तथा नविकरण नगरेका व्यवसायीहरुलाई समयमै दर्ता तथा नविकरणका लागि आग्रह गरिएको प्रशासन शाखा प्रमुख लम्सालले बताए । उनले यसअघिका अनुगमनहरुमा म्याद गुर्जेका सामानहरु प्रशस्तै भेटिने गरेकोमा यस पटक बजारमा धेरै सुधार आएको बताए । उपभोक्ता सचेत हुने हो भने बजारलाई स्वच्छ र अखाद्यरहित बनाउन सघाउ पुग्ने लम्सालले बताए ।

सोमबार डिपार्टमेन्टर स्टोर्स, किराना पसल, व्युटि पार्लर, तरकारी तथा मसला पसलहरुको अनुगमन गरिएको थियो । अनुगमनामा शुक्लागण्डकी उद्योग वाणिज्य संघका अध्यक्ष हरिकुमार श्रेष्ठ, शुक्लागण्डकी नगर उद्योग वाणिज्य संघका विनोदकुमार मल्ल, इलाका प्रहरी कार्यालय बेलचौतराका प्रहरी प्रतिनिधि, नगर प्रहरी सहभागि थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर