विद्यार्थीको शैक्षिक अवस्था सुधार बारे छलफल

लमजुङको सुर्यपाल स्थित श्री राम वालोदय आधारभूत विद्यालयले विद्यार्थीको शैक्षिक अवस्था सुधारका विषयमा अभिभावक, शिक्षकहरुसंग छलफल गरेको छ । विद्यालयले शिक्षक, अभिभावक विद्यार्थी समुदाय र सरोकारवाला बिच आपसी मेलमिलाप कायम हुने गरी शैक्षिक विकास एवं स्तरोउन्नतिका लागि उक्त छलफल कार्यक्रम गरेको हो ।

आ.व. २०७९/०८० को सामाजिक परिक्षण प्रतिवेदन समेत सार्वजनिक गर्दै विद्यालयले अभिभावक भेला गरेको शिक्षक रामकुमार श्रेष्ठले जानकारी गराए । विद्यालयका शिक्षक अभिभावक संघका अध्यक्ष गंगा थापाको अध्यक्षता आयोजित कार्यक्रममा विद्यालयका प्रधानाध्यापक बाबुराम साँखीले बिषय प्रवेश, पूर्व प्रधानाध्यापक परशुराम न्यौपानेले कार्यक्रमको औचित्यका विषयमा सहजिकरण गरेका थिए ।

सामाजिक लेखा परीक्षण समिति सदस्य शिक्षिका अर्चना अधिकारी पौडेलले सामाजिक परिक्षण प्रतिवेदन २०८० प्रस्तुत गरेकि थिइन् । कार्यक्रममा मध्यनेपाल नगरपालिका-३ का वडाध्यक्ष केशव न्यौपाने, विद्यालय व्यवस्थापन समितिका अध्यक्ष नेत्र बहादुर बस्नेत, जनप्रतिनिधि चित्र बहादुर थापा लगायतले शैक्षिक गुणस्तर सुधारका लगि सबै आ-आफ्नो ठाउँबाट लागिपर्नुपर्नेमा जोड दिएका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर