वन डढेलो नियन्त्रण सम्बन्धी सचेतना कार्यक्रम
भञ्ज्याङन्यूज
तनहुँको म्याग्दे गाउँपालिका-१ र व्यास नगरपालिका-५ का ४ वटा सामुदायिक वन उपभोक्ता समुहलाई वन डढेला सम्बन्धी सचेतना कार्यक्रम सञ्चालन गरिएको छ ।
यूएनडिपी/जिइएफ/यसजिपीको आर्थिक सहयोग, सव डिभिजन कायार्यल गुणादीको प्राविधिक सहयोग र उर्जा तथा वातावरण नेपालको आयोजनामा वन डढेलो रोकथाम तथा नियन्त्रण सम्बन्धी सचेतना मुलक कार्यक्रम गरिएको हो ।
कार्यक्रममा म्याग्दे गाउँपालिकाका उपाध्यक्ष बालकृष्ण घिमिरेले मानव, वन्यजन्तु तथा वातावरण संरक्षणमा समुदायिक वनको भूमिकाको चर्चा गर्दै वन डढेलो रोकथाम तथा नियन्त्रणको प्रमुख दायित्व वन उपभोक्ताहरुको रहेको बताएका थिए ।
वन उपभोक्ता समुहका अध्यक्ष खिम बहादुर थापाको अध्यक्षतामा आयोजित कार्यक्रममा उर्जा तथा वातावरण नेपालका अध्यक्ष कृष्ण चन्द्र सुवेदीले कार्यक्रमका विषयमा सहजिकरण गरेका थिए ।
यस्तै, सव डिभिजन वन कार्यालय गुणादीका वन अधिकृत नर बहादुर क्षेत्रीले वन डढेलो रोकथाम तथा नियन्त्रणका विषयमा सहभागिहरुलाई प्रशिक्षण दिइएको थियो ।
चार वटा सामुदायिक वनका ५० जनाको सहभागिता रहेको कार्यक्रममा वन डढेलो रोकथाम तथा नियन्त्रणका लागि प्रयोग गरिने सामाग्रिहरु हस्तान्तरण गरी ती सामाग्रिको प्रयोगका विषयमा प्रयोगात्मक रुपमा प्रशिक्षण दिइएको थियो ।
