दमौलीमा पाटन साँस्कृतिक महोत्सव गरिने

पाटन युवा क्लवले पाटन साँस्कृतिक महोत्सव गर्ने भएको छ । ‘अमुल्य भाषा संस्कृतिको संरक्षण गरौं, भाषा संस्कृतिको जगेर्ना गर्दै पर्यटनको विकास गरौ’ भन्ने मुल नारा सहित प्रथम दमौली पाटन साँस्कृतिक एवं पर्यटन महोत्सव गर्न लागेको हो । क्लवले यही मंसिर २४ गतेदेखि पुस ३ गतेसम्म व्यास-५ को पाटन खेल मैदानमा सञ्चालन गरिने क्लवका अध्यक्ष अम्बर थापाले जानकारी गराएका छन् । कार्यक्रमका विषयमा जानकारी गराउने उद्देश्यले क्लवले शुक्रबार पत्रकार सम्मेलन गरी धार्मिक, सांस्कृतिक र पुरातात्विक महत्व बोकेको ठाउँलाई चिनाउनका लागि महोत्सव सफल हुने विश्वास गरिएको छ ।

क्लवका अध्यक्ष थापाले भने ‘आदिवासी जनजाती लगायतका समुदायको भाषा, संस्कृति संरक्षण एवं प्रवर्द्धनका सथै स्थानीय उत्पादानको बजारीकरण, पर्यटकीय क्षेत्रको प्रवर्द्धनका साथै संस्कृति संरक्षणमा महोत्सव उपलब्धी मुलक बन्ने विश्वास गरिएको छ ।’

महोत्सवमा स्थानीयस्तरमा उत्पादित कृषि सम्बन्धित २० स्टलहरु रहने महोत्सवका संयोजक पवन चुमी मगरले बताए । स्थानीय कला, सांस्कृतिक, धार्मिक, रीतिरिवाज चालचलन, पुरातात्विक वस्तुको संरक्षणको लागि पनि यो महोत्सवले ठुलो टेवा पुर्‍याउने संयोजक चुमीले बताए । महोत्सवमा व्यापारिक प्रयोजनका लागि करिब १५० स्टल रहनेछन् भने महोत्सवमा स्थानीयस्तरमा उत्पादित कृषि सम्बन्धित २० स्टलहरु रहने बताइएको छ । महोत्सवमा स्थानीय तथा राष्ट्रिय कलाकारको साँस्कृतिक प्रस्तुतिका साथै बोटेजातिको रहन सहन संस्कृति झल्कने कार्यक्रमहरु प्रस्तुत गरिने भएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर