पहिरो पीडितलाई शुक्लागण्डकी नगर उद्योग वाणिज्य संघको सहयोग
दुलेगौंडा । तनहुँको शुक्लागण्डकी नगरपालिका–७ काउरेका पहिरो पीडितलाई शुक्लागण्डकी नगर उद्योग वाणिज्य संघले आर्थिक सहयोग गरेको छ ।
गत शनिबार गएको पहिरोबाट घर पुरिदा मृत्यु भएका ४० वर्षीया हिरा नेपाली, ६५ वर्षीय श्याम भण्डारी र ३७ वर्षीया अनिषा बास्तोलाका परिवारलाई सहानुभूति स्वरुप जनही रु सात हजार पाँच सयका दरले आर्थिक सहयोग गरिएको संघका उपाध्यक्ष सुजित हिराचनले जानकारी दिए ।
त्यसक्रममा संघका अध्यक्ष विमलप्रसाद रिमाल, वरिष्ठ उपाध्यक्ष समुन्द्रराम श्रेष्ठ, महासचिव उपेन्द्र तिमिल्सना, सचिव ऋषि बहादुर बस्नेत, कोषाध्यक्ष विनोद मल्ल लगायत सहभागी थिए ।
