म्याग्दे गाउँपालिकाको सेवा तीन दिनसम्म बन्द रहने
भञ्ज्याङ समाचारदाता (दमौली)
कोरोना भाइरस संक्रमणको उच्च जोखिममा रहेको भन्दै तनहुँको म्याग्दे गाउँपालिकाले तीन दिनसम्म सबै सेवा बन्द गर्ने निर्णय गरेको छ । गाउँपालिकाका केही कर्मचारीमा कोरोना संक्रमण देखिएपछि आज (बुधबार) देखि शुक्रबारसम्म सेवा बन्द गर्ने निर्णय भएको हो ।
संक्रमितसँगको कन्ट्याक्ट ट्रेसिङ गर्न र कोरोनाको जोखिम कम गर्न गाउँपालिका बन्द गरिएको गाउँपालिकाका प्रमुख प्रशासकीय अधिकृत नारायणप्रसाद अधिकारीले बताए । ‘गाउँपालिकाको कार्यालय र सात वटा वडा कार्यालय यही कात्तिक १४ गतेसम्म बन्द रहने छ’, उनले भने, ‘यी तीन दिनको अवधिमा अत्यावश्यक सेवाबाहेक सबै सेवा पूर्ण रुपमा बन्द रहनेछन् ।’
