अनधिकृत रुपमा तनहुँको सुंढे र बुल्दी खोला पुल उद्घाटन गरिएको भन्दै मन्त्री गुरुङद्वारा आपत्ति (विज्ञप्ति सहित)

गण्डकी प्रदेशका आर्थिक मामिल तथा योजनामन्त्री किरण गुरुङले सुढे र बुल्दी खोला पुल उद्घाटन अनधिकृत रुपम भएको भन्दै आपत्ति जनाएका छन् । सम्बन्धित कार्यालयको समन्वय र बिना जनकारी तनहुँका दुइ वटा पुल उद्घाटन गरिएका भन्दै उनले एक विज्ञप्ति जारी गरी आपत्ति जनाएका छन् ।

बिहीबार प्रेस विज्ञप्ति जारी गर्दै मन्त्री गुरुङले व्यास नगरपालिका र ऋषिङ जोड्ने सुढे र व्यास नगरपालिका बुल्दीखोला माथि निर्माण भएको पुलको सम्बन्धित कार्यालयलाई जानकारी नदिई कांग्रेस वरिष्ठ नेता रामचन्द्र पौडेलमार्फ उद्घटन गराइएकामा आपत्ति जनाएका हुन् ।

सुंढु पुल संघ सरकार र बुल्दी खोल पुल प्रदेश सरकारको स्वामित्वमा रहेको भन्दै उनले सम्बन्धित कार्यालयसंग जाकारी र समन्वय नगरी अपारदर्शी ढंगले राजनीतिक बल मिच्यइका आधारमा पुलको उद्घाटन गर्दै हिंड्नु भनेको गलत प्रक्रिया मात्रै नभई आफैमा खेदजनक विषय भएको विज्ञप्तिमा भनेका छन् ।

अगामि दिनमा यस्ता काम कहींकतैबाट पनि नहोस् भन्दै उनले सरोकारवालाको ध्यानाकर्षा समेत गराएका छन् । ‘सम्बन्धित सरकार र कार्यालयसंगको समन्वय नै नगरी नेपाली कांग्रेस पार्टीको दलबल सहित कथित उपभोक्ता समितिको आयोजनामा अनाधिकृत रुपमा दुइवटा पुल उद्घाटन गर्नु भनेको आफैमा हास्यास्पद र लज्जास्पद कुरा हो’, विज्ञप्तिमा भनिएको छ ।

विज्ञप्तिमा उनले भनेका छन्, ‘अझ यसलाई राजनीतिक प्रतिष्ठा बनाउनु भनेको तनहुँको सिंगो नेपाली कांग्रेस र यसका नेता कार्यकर्तामा पलाएको हिनग्रन्थीले उत्पन्न बहलठ्ठीपूर्ण क्रियाकलाप बाहेक अरु केही होइन ।’

संघीय सरकार र गण्डकी प्रदेश सरकारको बजेट तथा कार्यक्रम अन्तरगत निर्माण हुने विकास निर्माणका सबै कार्यक्रम र परियोजनाको स्वामित्व सम्बन्धित सरकार र त्यस अर्न्तर्गतका कार्यालय मातहत रहने विज्ञप्तिमा भनिएको छ ।

जारी विज्ञप्तिमा तनहुँको ऋषिङ गाउँपालिका-१ र व्यास नगरपालिका-३ जोड्ने सुढेस्थित सेतीनदीमाथिको पुल वि.सं. २०७१ असार २९ गते सम्झौता भई २०७७ वैशाख ३० गते निर्माण सम्पन्न भएको उल्लेख गरिएको छ ।

एड्भेन्र कम्पनी प्रलि. भरतपुरले ठेक्का पाएको उक्त पुलको लागत १० करोड ७१ लख २७८ रहेको छ । संघीय सरकारको बजेट र कार्यक्रम अन्तरगत सडक डिभिजन कार्यालय मार्फ पुल निर्माण सम्पन्न भएको भनिएको छ ।

त्यस्तै, व्यास नगरपालिका-१, १० र ११ जोड्ने तालघारे स्थित दुम्सीचौर सडक अन्तरगत बुल्दीखोला सडक साविक जिल्ला प्राविधिक कार्यालय तनहुँबाट सम्झौता भएकामा हाल गण्डकी प्रदेश सरकारको बजेट र कार्यक्रम अन्तगरगत पूर्वाधार विकास कार्यालय नवलपरासी बर्दघाट सुस्ता पूर्वबाट निर्माण सम्पन्न भएको हो । उक्त पुल वि.सं. २०७२ फागुन १३ गते सम्झौता भई २०७५ कात्तिक ९ गते सम्पन्न भएको विज्ञप्तिमा उल्लेख गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर