नेकपा एमालेको १०औं राष्ट्रिय महाधिवेशनमा सिग्देल र न्यौपानले उम्मेदवारी दिने

नेकपा एमालेको १०औं राष्ट्रिय महाधिवेशनमा टुकराज सिग्देल र भगवती न्यौपानले केन्द्रीय सदस्यमा उम्मेदवारी दिने तयारी गरेका छन्। सिग्देलले आफु महाधिवेशनमा भुगोल तर्फको केन्द्रीय सदस्यको उम्मेदबार बन्ने बताए । केन्द्रीय सल्लाहाकार परिषदका सदस्य रहेका सिग्देल सोही कमिटीबाट महाधिवेशन प्रतिनिधिमा चयन भएका हुन् । २०५६ को प्रतिनिधि सभा निर्वाचनमा तनहुँ क्षेत्र नम्बर ३ बाट निर्वाचित सांसद सिग्देल २०७० सालको संविधान सभा निर्वाचनमा पनि तनहुँ क्षेत्र नम्बर ३ बाट निवार्चित भई संविधान निर्माणमा सक्रिय थिए । नेकपा एमाले भित्र सादगी, इमान र निष्ठाको राजनीति गर्ने, बर्गीय चेत भएको तथा नैतिक मुल्य र मान्यताको पक्षपाती नेताको रुपमा सिग्देललाई लिईन्छ । उनको नेतृत्वमा तनहुँ क्षेत्र नम्बर ३ मा विकास निर्माणको कामले तीव्र पाएको थियो ।

२०४३ सालमा कम्युनिष्ट पार्टीको सदस्यता प्राप्त गरेका सिग्देल नेकपा माले तनहुँको संस्थापक मध्येका एक हुन् । त्यसअघि २०३३ देखि २०४० सालसम्म पोखराको पृथ्वीनारयण क्याम्पसमा अनेरास्ववियुको राजनीति गरेका सिग्देल २०४१ देखि २०४५ सम्म किहुँको सिर्द्धार्थ माविमा शिक्षण समेत गरेका थिए । पार्टीले पूर्णकालिन हुनु पर्ने निर्देशन दिएपछि उनी शिक्षण पेशा छोडी पुर्णकालिन राजनीतिमा होमिएका थिए । त्यसपछि सिग्देलले २०४६ सालको जनआन्दोलनमा बाममोर्चाको सचिवको रुपमा तनहुँको आन्दोलनको अगुवाई गरेका थिए ।

निरंकुश पञ्चायती व्यवस्था विरुद्धको आन्दोलनमा लाग्दा सिग्देल २०४२ सालमा राजकाज अपराध सम्बन्धी मुद्दामा नौ महिना दमौली जेलमा समेत बसेका थिए । उनी २०५० देखि २०५६ सम्म दुइ कार्यकाल नेकपा एमाले तनहुँको सर्वसम्मत सचिव (पार्टी प्रमुख) बनेका थिए । नेकपा एमालेको बुटवलमा सम्पन्न आठौं राष्ट्रिय महाधिवेशनमा केन्द्रीय कमिटीको बैकल्पिक सदस्यमा निर्वाचित भएका सिग्देल नवौं महाधिवेशनमा भने थोरै मतले केन्द्रीय सदस्यमा पराजित भएका थिए ।

यस्तै, एमाले तनहुँकी सचिव एवं राष्ट्रिय सभा सदस्य भगवती न्यौपानेले केन्द्रीय सदस्यमा उम्मेदबारी दिने बताएकी छन् । १०औं राष्ट्रिय महाविशेनमा न्यौपानेले महिला कोटाबाट केन्द्रीय सदस्यमा उम्मेदवारी दिने बताएकी छन् । ०५१ सालमा नेकपा एमालेको सदस्यता प्राप्त गरेकी न्यौपाने २०५६ सालदेखि सक्रिय राजनीतिमा लागेकी छन् । नेकपा एमालेको जिल्ला कमिटीको विभिन्न पदको जिम्मेबारीमा रहेकी न्यौापाने हाल एमाले तनहुँका सचिव तथा अखिल नेपाल महिला संघको केन्द्रीय सदस्य र तनहुँ जिल्ला इन्चार्ज समेत हुन् । विद्यार्थी आन्दोलनबाट राजनीतिमा उदाएकी उनी २०६२/०६३ को आन्दोलनको चर्चित पात्र समेत हुन् ।

राष्ट्रिय सभामा महत्वपुर्ण भुमिका खेल्दै आएकी नेतृ न्यौपानेको राष्ट्रिय सभामा हुने मन्तव्य चर्चित बन्दै आएको छ । पार्टीको नीतिलाई जोड तोडका साथ राष्ट्रिय सभामा प्रस्तुत गर्ने मात्र नभई उनले राष्ट्रिय राजनीतिका समसामयीक विषयलाई समेत सभामा ओजनदार रुपमा प्रस्तुत गर्दै आएकी छन् । सोही कारण एमालेको नेतृत्वमा रहेका नेताहरुको नजरमा न्यौपाने पर्दै आएकी छन् । पार्टी अध्यक्ष केपी शर्मा ओलीको हार्डलाइनर न्यौपानेलाई यस पटक केन्द्रीय सदस्य बनाई भुगोलको राजनीतिमा पठाउने विषयमा अध्यक्ष ओली समेत सकारात्मक भएको स्रोतले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर