भिमादका नवनिर्वाचित जनप्रतिनिधिलाई प्रमाणपत्र

स्थानीय तह सदस्य निर्वाचन २०७९ अन्तरगत वैशाख ३० गते सम्पन्न मतदानबाट तनहुँको भिमाद नगरपालिकामा निर्वाचित जनप्रतिनिधिलाई प्रमाणपत्र वितरण गरिएको छ । नगरप्रमुख, उपप्रमुख, वडाध्यक्ष तथा सदस्यहरुलाई प्रमाणपत्र प्रदान गरिएको हो ।

नवनिर्वाचित नगरप्रमुख दधिराज सुवेदी, उपप्रमुख शारदा खनाल लगायतलाई बुधबार एक कार्यक्रमका बीच निर्वाचन अधिकृत रामचन्द्र शर्माले प्रमाणपत्र प्रदान गरेका हुन् । नगरको प्रमुख र उपप्रमुखमा निर्वाचित दुवै जना नेकपा एमालेबा उम्मेदवार बनेका हुन् ।

सम्पन्न निर्वाचनमा नगरप्रमुखमा सुवेदीले आठ हजार १२८ मत प्राप्त गरेका थिए भने उपप्रमुखमा निर्वाचित खनालले सात हजार ६६७ मत प्राप्त गरेकी छन् । खनाल पुनः दोश्रो पटक पनि उपप्रमुखमा निर्वाचित भएकी हुन् ।

कूल २४ हजार ८८४ मतदाता रहेको नगरपालिकाको निर्वाचनमा १६ हजार १४९ मत खसेको थियो । भिमाद नगरपालिका-२, ३, ७, ८ र ९ वडा एमालेले जितेको छ भने १, ४, ५, ६ नेपाली कांग्रेसका उम्मेदवार निर्वाचित भएका छन् ।

यस्तै, नगरप्रमुखमा निर्वाचित भएपछि दधिराज सुवेदीले मतदातालाई धन्यवाद दिइएका छन् । गठबन्धनलाई पराजित गर्दै नगरप्रमुखमा निर्वाचित सुवेदीले बुधबार सामाजिक सञ्चालमार्फत् मतदाता लगायत सबैप्रति आभार व्यक्त गरेका हुन् ।

उनले यस पटक भिमाद नगरपालिकाको प्रमुख पदको निर्वाचनमा उमेदवारी सिफारिस गर्ने नगर कमिटी, जिल्ला कमिटी र टिकट दिने गण्डकी प्रदेश कमिटी तथा नेतागणहरु विजय सुनिश्चितताको लागि लाग्ने नेता किरण गुरुङ, टुकराज सिग्देल लगायत प्रदेश कमिटीका कमरेड केदार सिग्देल लगयतका कमरेडहरु सबैमा हार्दिक आभार व्यक्त गरेका छन् ।

नगरप्रमुख सुवेदीले हामीलाई अत्यधिक मत दिएर विजवी गराउनुहुने हाम्रो पार्टीका कार्यकर्ताहरु, समर्थकहरु, मतदाताहरुको साथै हाम्रो होइन राम्रोलाई रोजौ भन्ने अन्य विभिन्न पार््टी, नागरिक समाज र बुद्धिजीवी साथीहरू सबैलाई धन्यवाद तथा आभार व्यक्त गरेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर