व्यासमा मंसिर २ गतेसम्म विद्यालय खोल्न रोक, कक्षा ११ को परीक्षा भने निर्धारित तालिका अनुसार हुने

• भञ्ज्याङ समाचारदाता (दमौली)

तनहुँको व्यास नगरपालिकाले नगर क्षेत्र भित्रका सामुदायिक तथा संस्थागत विद्यालयहरु आगामि मंसिर २ गतेसम्म खोल्न रोक लगाएको छ । कोभिड-१९ को प्रभाव बढ्दै गएका कारण विद्यालयमा औपचारिक -प्रत्यक्ष) कक्षा सञ्चालन गर्ने अवस्था नदेखिएकाले नगरपालिकाले उक्त निर्णय गरेको नगरप्रमुख बैकुण्ठ न्यौपानेले जानकारी गराएका छन् ।

नगरप्रमुख न्यौपानको अध्यक्षतामा आज बसेको व्यास नगर शिक्षा समितिको बैठकले हाल मौसमी परिवर्तनका कारणले समुदायमा रुघा, खोकीको प्रकोप देखिएको र विद्यमान मौसमी संक्रमणको कारणले कोभिड-१९ विस्तारित हुन सक्ने विज्ञको राय समेत रहेको हुँदा तीहार पर्वको भाईटीकाको भोलीपल्ट अर्थात मंसिर २ गतेसम्म विद्यालयमा औपचारिक -प्रत्यक्ष) कक्षा सञ्चालन नगराउने निर्णय गरेको छ ।

यस्तै, विद्यालयमा औपचारिक कक्षा सञ्चालन नगरिएता पनि अन्य वैकल्पिक विधि मार्फ मात्र पर्ढाई सञ्चालन गरी सिकाईलाई निरन्तरता दिन अनुरोध गरिएको छ ।

बैठकले विद्यालयमा शिक्षा लिईरहेका विद्यार्थीका अभिभावकहरुले आ-आफ्नो बालबालिकाहरुको स्वास्थ्य संवेदनाशिलतालाई ध्यान दिन र स्वास्थ्य मापदण्ड पालना गर्न गराउन अनुरोध गरेको छ ।

त्यस्तै, मंसिर ३ गतेदेखि विद्यालयमा नगरपालिकाद्वारा यसअघि जारी निर्देशिका पालना गरेर मात्र प्रत्यक्ष कक्षा सञ्चालन गर्न र कोभिड-१९ को प्रभाव देखिएमा विद्यालय व्यवस्थापन समितिको परामर्शमा आवश्यक निर्णय लिन नगरपालिकाले आग्रह गरेको शिक्षा तथा सामाजिक विकास शाखाका कार्यक्रम अधिकृत सन्तोष गोदारले जानकारी गराए ।

बैठकले कक्षा ११ सञ्चालन भएका विद्यालयहरुले स्वास्थ्य मापदण्ड पालना गरी पूर्व निर्धारित तालिका अनुसार परीक्षा सञ्चालन गर्न नगरपालिकाले स्वीकृत दिएको पनि कार्यक्रम अधिकृत गोदारले जानकारी गराए ।

नगरप्रमुख न्यौपानेको अध्यक्षतामा बसेको बैठकमा नगर उपप्रमुख, शिक्षा समितिका सदस्यहरु, सामुदायिक तथा निजी विद्यालयका पेशागत एवं संगठनका प्रतिनिधि, स्थानीय विद्यालय, कलेजका प्रतिनिधि एवं प्रचार्यहरुको उपस्थितिमा कोभिड-१९ को प्रभाव र विद्यालय सञ्चालन सम्बन्धमा समिक्षा गरी प्राप्त परामर्शको आधारमा यी निर्णय सम्बन्धित सबैले पालना गर्न अनुरोध गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर