भानु नगरपालिकाको कार्यपालिकाले पायो पूर्णता
भञ्ज्याङ न्यूज
तनहुँको भानु नगरपालिकाको कार्यपालिकाले पूर्णता पाएको छ । कार्यापालिकामा नेपाली कांग्रेसका सात र नेकपा एकीकृत समाजवादीका एक जना निर्वाचित भएसंगै पूर्णता पाएको हो ।
स्थानीय तह निर्वाचनमा सत्तारुढ दलबीच गठबन्धन नभएपनि कार्यपालिका सदस्यमा भने नेकपा एकीकृत समाजवादीले पनि एक जना सदस्य पाउन सफल भएको छ ।
दलित/अल्पसंख्यकतर्फनेकपा एकीकृत समाजवादीबाट राजु सुर्खाली कार्यपालिका सदस्यमा निर्वाचित भएका छन् भने नेपाली कांग्रेसबाट रविन भुजेल र धनबहादुर विक निर्वाचित भएका छन् ।
यस्तै, निर्वाचित वडा सदस्यबाट महिलातर्फ वृन्दा रानाभाट, प्रविना थापा, सावित्रा सुनार, सकिना खातुन र शान्ता लम्साल निर्वाचित भएका छन् ।
