बन्दीपुरको छापमा नवौं छपेली कप फुटबल प्रतियोगिता पुस २० गतेबाट
भञ्ज्याङन्यूज
तनहुँको बन्दीपुर-१ छापमा यही पुस २० गतेबाट नवौं छपेली कप फुटबल प्रतियोगिता सञ्चालन गरिने भएको छ । स्व. बाबुराम पाटा र स्व. लालबहादुर पाटा मगरको स्मृतिमा यो प्रतियोगिता सञ्चालन गर्दै आइएको छ ।
‘सामाजिक अन्तर सम्बन्धका लागि खेलकूद’ भन्ने नाराका साथ आयोजित फुटबल प्रतियोगिता दुइ विधामा खेलाईने आयोजक छपेली साँस्कृतिक युवा क्लबका अध्यक्ष विजय रानाले बताए ।
उनका अनुसार खुल्ला सेभेन ए साइड नक आउट फुटबल तर्फको विजेता टिमलाई एक लाख २५ हजार १२५ रुपैंयाको साथमा ट्रफि, मेडल र प्रमाणपत्रद्वारा पुरस्कृति गरिने भएको छ । प्रतियोगिताको उपविजेतालाई ६१ हजार ६१ रुपैंयाको साथमा ट्रफि, मेडल र प्रमाणपत्र प्रदान गरिने भएको छ ।
यस्तै, सेमिफाइनल पुग्ने दुइ टिमलाई नगद १०/१० हजार रुपैयाँ नगद पुरस्कारको व्यवस्था गरिएको अध्यक्ष रानाले बताए । प्रतियोगितामा सर्वोत्कृष्ट खेलाडी, सर्वाधिक गोलकर्तालाई जनहि नगद २ हजार ५ सय र अनुशासित टिमलाई ५ हजार रुपैयाँ प्रदान गरिने भएको छ ।
क्लवले ३० वर्ष उमेर भन्दा माथिकाको भेट्रन्स तर्फपहिलो पुरस्कार भेंडा र दोस्रो पुरस्कार बोका प्रदान गर्ने भएको छ । छाप खेल मैदानमा आगामी माघ १ गतेसम्म संचालन हुने प्रतियोगिताका लागि पौष १९ गते सम्म टिम दर्ता गर्न सकिने बताईएको छ ।
तनहुँको बन्दीपुर गाउँपालिका वडा नं. १ छापमा रहेको छपेली साँस्कृतिक युवा क्लबले प्रत्येक वर्ष माघे संक्रान्ती पर्व तथा मगर दिवशलाई लक्षित गरी खेलकूद प्रतियोगिता गर्दै आएको छ ।
