चौथो ऋषिङ अल्ट्रा म्याराथनको उपाधी आर्मीका श्रेष्ठले चुमे
ऋषिङ : तनहुँको ऋषिङ गाउँपालीकाले शनिबार सम्पन्न गरेको चौथो ऋषिङ अल्ट्रा म्याराथन–२०८१ प्रतियोगिताको उपाधी त्रिभुवन आर्मी क्लवका होमलाल श्रेष्ठले जित्न सफल भएका छन् ।
४२ दशमलव २ किलोमिटर दुरी २ घण्टा ५७ मिनेट ४४ सेकेण्डमा पार गर्दै श्रेष्ठले उपाधी चुम्न सफल भएका हुन् ।
यस्तै, उक्त दुरी २ घण्टा ५९ मिनेट ३६ सेकेण्डमा पार गर्दै मार्मी क्लवकै राजेन मेयोङवा द्वितीय भएका छन् भने आर्मीकै जुनेश खड्काले २ घण्टा ५९ मिनेत ५९ सेकेण्डमा उक्त दुरी पार गर्दै तृत्तीय हुन सफल भएका छन् ।
गाउँपालिकाको विकाससंगै खेलकुदको माध्यमबाट पालिकालाई राष्ट्रिय तथा अन्तर्राष्ट्रिय स्तरमा चिनाउने उद्देश्यले अल्ट्रा म्याराथन प्रतियोगिता गरिएको गाउँपालिकाका अध्यक्ष राजेन्द्रकृष्ण श्रेष्ठले बताए ।
ऋषिङ गाउँपालिकाको प्रवेशद्वार वडा नं. ८ को धारुङदेखि वडा नं. ३ को दुबुङ भ्युटावरसम्म गरिएको प्रतियोगिताको प्रथमलाई नगद ६५ हजार, द्वितीयलाई नगद ४० हजार, तृतीयलाई नगद २५ हजार र सान्त्वना हुनेलाई नगद १० हजार रुपैयाँ प्रदान गरिएको छ ।
यस्तै, प्रतियोगितामा सहभागि हुने स्थानीय धावकहरुलाई प्रोत्साहन गर्न गाउँपालिकाले अन्तिम विन्दुसम्म पुग्ने प्रथम, द्वितीय र तृतीय हुने धावकलाई क्रमशः ५ हजार, ४ हजार र ३ हजार रुपैयाँ पुरस्कार प्रदान गरेको छ ।
