१६९ धावक व्यास अल्ट्रा म्याराथनमा सहभागि हुँदै, १६ गते सार्वजनिक विदा

तनहुँको व्यास नगरपालिकाले आयोजना गरेको चौथो अल्ट्रा म्याराथनका लागि १६९ धावक सहभागि हुने भएका छन् । शहीद दिवसको अवसरमा आयोजना हुने अल्ट्रा म्याराथनमा सहभागि हुन १६९ जना धावकले नाम दर्ता गराएको व्यास नगरपालिकाका प्रेस संयोजक प्रदीप काफ्लेले जानकारी गराए । म्याराथनमा सहभागि हुने धावकहरुलाई बिहीबार नै रुटको बारेमा जानकारी दिनुका साथै अभिमुखीकरण कार्यक्रम सञ्चालन गरिएको छ । ब्यास नगरपालिका-५ मानुङदेखि ब्यास नगरपालिका-८ पुलिमराङसम्मको ४४ किमिदूरीको म्याराथनको तयारी पूरा भएको नगरपालिकाले जनाएको छ।

प्रतियोगितामा प्रथम, द्वितीय, तृतीय हुनेले क्रमशः रु ८५ हजार ७७, रु ६५ हजार ७७, रु ५५ हजार ७७ र सान्त्वना पाँच जनाले रु १६ हजार ७७ नगद पुरस्कार पाउनेछन् । नगरपालिकाले यो पटक म्याराथनको पुरस्कार राशि वृद्धि गरेको हो । प्रथम, द्वितीय र तृतीय पुरस्कार राशिमा रु चार हजार एकका दरले वृद्धि गरिएको छ । गत वर्षप्रथम, द्वितीय र तृतीय हुनेले क्रमशः रु ८१ हजार ७६, रु ६१ हजार ७६ र रु ५१ हजार ७६ प्राप्त गरेका थिए । धावकले नियम पालना गरे नगरेको जाँच गर्नका लागि आठ ठाउँमा चेकविन्दु स्थापना गरिनेछ ।

ब्यास नगरपालिका-४ ब्यास रेन्ज पोष्ट, ब्यास नगरपालिका-१० पिजनहिल खहरे, ब्यास नगरपालिका-७ पाथ्रा मन्दिर, ब्यास नगरपालिका-७ पातल सत्रसय, ब्यास नगरपालिका-८ रिस्ती सोतीबेशी, ब्यास नगरपालिका-८ सुनपोखरी, ब्यास नगरपालिका-८ गाडापानी र ब्यास नगरपालिका-८ पुलिमराङमा चेकविन्दु स्थापना गरिनेछ ।

म्याराथन मानहुँकोट सिद्ध मार्गहुँदै अलैचे-चापाघाट-अनशन चौतारी, सफा सडक-भोर्लेटार चोक, बैरेनी-दुम्सी-कलेस्ती-पाथ्रा-सत्रसय-बानियाँ डिही-बर्लाची-सोतीबेंशी-बगुवा रिस्ती-बाहुनपोखराहुँदै पुलिमराङमा पुगेर टुंगिने छ ।

गत वर्षो म्याराथन सोलुखुम्बुका सुमन कुलुङले जिएका थिए । उनले ४४ किमिदूरी दुइ घण्टा ५९ मिनेटमा पार गरेका थिए भने प्रतियोगितामा कालीकोटका देवराज महतरा द्वितीय र भोजपुरका तीर्थ तामाङ तृतीय भएका थिए ।

ब्यासमा सार्वजनिक बिदा

तनहुँको ब्यास नगरपालिकाले शहीद दिवसको अवसरमा शुक्रबार र्सार्वजनिक बिदा दिने निर्णय गरेको छ । शहीद दिवसको अवसरमा नेपाल सरकारद्वारा प्रदान गरिँदै आएको सार्वजनिक बिदा केही वर्षयता कटौती भएको सर्न्दर्भ र ब्यास नगरपालिकाले सोही अवसरमा हरेक वर्षअल्ट्रा म्याराथन गर्दै आएकाले उक्त दिन सार्वजनिक बिदा दिने निर्णय भएको हो ।

नगरपालिकाका प्रमुख प्रशासकीय अधिकृत डिल्लीराम सिग्देलले आज सूचना जारी गर्दै ब्यास नगरपालिका-५ मानुङदेखि वडा नं ८ को पुलिमराङसम्म आयोजना हुने म्याराथनको पर्रि्रेक्ष्यमा शहीदको सम्मानस्वरुप सम्पूर्ण वडा कार्यालय, स्वास्थ्य संस्था एवं सम्पूर्ण सामुदायिक तथा निजी शैक्षिक संस्थामा र्सार्वजनिक बिदा दिने निर्णय भएको बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर