१ लाख ११ हजार पुरस्कार राशीको तेस्रो चन्द्रावती फुटबल कप तथा महाशिवरात्रि मेला–२०८२ गरिने
भानु : तनहुँको भानु नगरपालिका–१३ चन्द्रावतीमा धर्म, संस्कृति र खेलकुदको संयुक्त उत्सवका रूपमा १ लाख ११ हजार पुरस्कार राशीको तेस्रो चन्द्रावती फुटबल कप तथा महाशिवरात्रि मेला–२०८२ आयोजना गरिएको छ ।
चन्द्रावती खेलमैदानमा यही माघ २७ गतेदेखि फागुन ०४ गतेसम्म श्री चन्द्रावती युवा क्लबले उक्त कार्यक्रमको आयोजना गरेको हो । प्रतियोगितामा अन्तर क्लबस्तरीय खुला पुरुष फुटबल प्रतियोगिता सञ्चालन गरिनेछ ।
प्रतियोगिताका विजेतालाई १ लाख ११ हजार १११ रुपैयाँ, उपविजेतालाई ५५ हजार ५५५ रुपैयाँ नगद पुरस्कारका साटमा कप, मेडल, प्रमाणपत्रद्वार पुरस्कृत गरिने आयोजकले जनाएको छ ।
खेल अवधिभर उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक तथा उत्कृष्ट प्रशिक्षकलाई पनि कप, मेडल, प्रमाणपत्रसहित आकर्षक पुरस्कार प्रदान गरिने आयोजकले जनाएको छ ।
उक्त प्रतियोगितामा सहभागिता जनाउन इच्छुक टिमका लागि टिम दर्ता शुल्क रु. ५ हजार तोकिएको छ भने टिम दर्ता गर्ने अन्तिम मिति माघ २५ गते रहेको छ ।
फुटबल प्रतियोगितासँगै महाशिवरात्रिको अवसरमा धार्मिक तथा सांस्कृतिक कार्यक्रम, स्थानीय कलाकारहरूको प्रस्तुति, व्यापारिक स्टल, खुला छेलो प्रतियोगिता, अन्तर क्लव/समुह स्थानीय महिला/पुरुष डोरी तान्ने प्रतियोगिता, बाँस भाले प्रतिस्पधा, खेल्ला मेच घुमाई प्रतियोगिता, घैंटो फुटाउने प्रतिस्पर्धा लगायतका विभिन्न मनोरञ्जनात्मक कार्यक्रमहरु सञ्चालन गरिने जनाइएको छ ।
स्थानीय तहमा खेलकुद विकास, युवालाई खेलतर्फ आकर्षित गर्नुका साथै धार्मिक र सांस्कृतिक पर्यटन प्रवरद्धन गर्ने उद्देश्यले कार्यक्रम आयोजना गरिएको आयोजकको भनाइ छ ।
