धितोपत्र लगानीकर्ता शिक्षा तथा सचतेना कार्यक्रम
दमौली : तनहुँ उद्योग वाणिज्य संघले व्यवसायीहरुलाई लक्षित गरी धितोपत्र लगानीकर्ता शिक्षा तथा सचेतना कार्यक्रम गरेको छ । संघ र नेपाल धितोपत्र बोर्डको संयुक्त आयोजनामा बुधबार दमौलीमा उक्त कार्यक्रम गरिएको हो ।
संघका अध्यक्ष बैकुण्ठनाथ मिश्रको अध्यक्षतामा आयोजित उक्त कार्यक्रममा जिल्ला समन्वय समिति तनहुँको प्रमुख शान्तिरमण वाग्लेले कार्यक्रम समयसापेक्षित भएकाले धितोपत्र लगानीकर्ता शिक्षाबाट व्यवसायीहरुले लाभ लिनुपर्ने र यसबाट हुनसक्ने क्षतिका विषयमा पनि सचेत हुनुपर्नेमा जोड दिए ।
विश्व लगानीकर्ता सप्ताह २०२४ को अवसरमा आयोजित कार्यक्रममा नेपाल धितोपत्र बोर्डका सहायक निर्देशकद्वय विपीन ओझा र अशोक कुमार विष्टले धितोपत्र बजार, लगानीका औजार, लगानी गर्दा ध्यान दिनुपर्ने कुराहरू लगायतका विषयमा सहजिकरण गरेका थिए ।
