जनसहयोगी मावि सम्जुरमा एक लाख एक सय एक रुपैयाँको अक्षयकोष स्थापना
भानु : तनहुँको भानु नगरपालिका–१३ सम्जुरस्थित जनसहयोगी माध्यमिक विद्यालयमा एक लाख एक सय एक रुपैयाँको अक्षयकोष स्थापना गरिएको छ । तिहारको अवसर पारेर सतिस्वारा–मिर्लुङ समाज कतारले विद्यालयमा उक्त अक्षयकोष स्थापना गरेको हो ।
विद्यालयले सञ्चालन गरेको देउसीभैलोका क्रममा समाजले विद्यालयको दिगो सञ्चालनका लागि उक्त अक्षयकोष स्थापना गरेको समाजका अध्यक्ष देवेन्द्र बानियाँले बताए ।
यसैबीच विद्यालयमा गरिब तथा जेहेन्दार विद्यार्थीका लागि भानु–१३ माझगाउँ निवासी अफ्तार मियाले करिब १५ हजार रुपैयाँ बराबरको खेलकुद पोशाक उपलब्ध गराएका छन् ।
दुवै सहयोगी दातालाई विद्यालयले सम्मान गरेको विद्यालयका शिक्षक एवं सूचना अधिकारी तईप मियाले जानकारी दिए ।
