युवा रेडक्रस सर्कल पवित्रा माविको जिल्लास्तरीय वक्तृत्वकला प्रतियोगिता
डुम्रे : नेपाल रेडक्रस सोसाइटी सोसाईटी जिल्ला शाखा तनहुँको आयोजना र नेपाल युवा रेडक्रस सर्कल पवित्रा माध्यमिक विद्यालय बन्दीपुर–१ पिप्लेको आतिथ्यतामा जिल्लास्तरीय वक्तृत्वकला प्रतियोगिता गरिएको छ ।
“रेडक्रस अभियान रक्तदान जिवनदान” मुल नाराका साथ आयोजित प्रतियोगिताको शुभारम्भ गर्दै बन्दीपुर गाउँपालिका का अध्यक्ष सुरेन्द्र वहादुर थापाले रेडक्रस एक मानवीय संस्था भएकाले संस्था र संस्थासंग जोडिएका व्यक्तिहरु समाजको उदहारणीय बन्नुपर्ने चर्चा गरे ।
कार्यक्रममा नेपाल रेडक्रस सोसाईटी तनहुँ शाखाका मन्त्री सूर्यचन्द्र हड्खलेले जुनियर/युवा रेडक्रसको खम्वा हो, रेडक्रस एक पवित्र संस्था भएको हुनाले निस्वार्थ भावनाले मानवीय कार्यमा सबै एक जुट भएर लाग्नु पर्नेमा जोड दिए ।
जिल्ला जुनियर/युवा संयोजक विमल गिरी संयोजकत्वमा आयोजित कार्यक्रममा बन्दीपुर–१ का वडा अध्यक्ष शिव कुमार श्रेष्ठ, विद्यालय व्यवस्थापन समितिका अध्यक्ष भानुभक्त पोख्रेल, प्रधानाध्यापक सरोज सुवेदी लगायतले आ–फ्ना विचार व्यक्त गरेका थिए ।
यस्तै, उक्त प्रतियोगितामा प्रथम पवित्रा मा.वि.का आयूषा श्रेष्ठ, द्वितीय हंशवाहिनी मा.वि. शुक्लागण्डकीका मानसी खनाल, तृतीय सत्यवति मा.वि. दमौलीका जोनीसा चिलुवाल र सान्त्वना आदिकवी भानुभक्त क्याम्पसका मौषमी थापा भएका छन्।
