म्याग्देमा ट्याक्टर दुर्घटना, सहचालकको मृत्यु
दमौली : तनहुँको म्याग्दे गाउँपालिका–६ ओटाङदीस्थित कच्ची सडकमा भएको ट्याक्टर दुर्घटनामा च्यापिएर सहचालकको मृत्यु भएको छ । उक्त दुर्घटनामा म्याग्दे–२ जामुनेका ३० वर्षीय सुकबहादुर विक आफैं सहचालक रहेको ट्याक्टरमा च्यापिएर मृत्यु भएको तनहुँ प्रहरीले जनाएको छ ।
कच्ची सडकमा ग१त ५६८९ नम्बर ट्याक्टर अनियिन्त्रित भएर सडकमा पल्टिएको थियो । ट्याक्टरका सहचालक सुकबहादुरको घटनास्थलमै मृत्यु भएको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक अशोक थापाले बताए । ट्याक्टरमा चालक प्रकाशकुमार श्रेष्ठ पनि सवार थिए उनलाई नियन्त्रणमा लिएर अनुसन्धान भइरहेको उनले बताए ।
