रसुवा बाढीमा बगेका ६ जनाको शव तनहुँमा भेटियो
तनहुँ । रसुवा बाढीमा बगेका ६ जनाको शव तनहुँमा भेटिएको छ । जिल्ला प्रहरी प्रवक्ता डीएसपी द्वारिकाप्रसाद घिमिरेका अनुसार आबुखैरेनीमा दुई र देवघाटमा चार गरी ६ शव फेला परेका हुन् ।
ती शव सनाखत भएको छैन । शवलाई जिल्ला अस्पतालमा राखिएको उनले बताए । दुवै स्थानका शव इलाका प्रहरी कार्यालय आबुखैरेनीका इन्स्पेक्टर प्रदीप सुवेदी नेतृत्वको टोलीले फेला पारेको हो ।
तनहुँ जिल्लामा पर्ने मुग्लिङ र देवघाट खण्डमा विपद्जन्य जोखिमबाट सर्वसाधारणलाई पूर्व सचेतता अपनाउन अनुरोध गर्दै प्रहरी सक्रिय छ ।
