आदिकविमा कक्षा ११ र १२ का विज्ञान विषय अध्ययन गर्ने विद्यार्थीका अभिभावकहरुको भेला
भञ्ज्याङ न्यूज
तनहुँको दमौली स्थित आदिकवि भानुभक्त क्याम्पसले अभिभावक भेला गरेको छ । क्याम्पसले शुक्रबार कक्षा ११ र १२ मा बिज्ञान बिषय अध्यनरत विद्यार्थीका अभिभावकहरुको भेला गरेको हो ।
अभिभावक प्राध्यापक संघका अध्यक्ष सृजना तिवारिको अध्यक्षतामा आयोजित उक्त भेलालाई क्याम्पस संचालक समितिका अध्यक्ष ब्रहृमादत्त तिमल्सेना र उपाध्यक्ष बुद्धिमान श्रेष्ठले सम्बोधन गरेका थिए ।
भेलामा क्याम्पस प्रमुख महा प्रसाद हड्खलेले भेलाको उद्देश्यको बारेमा बोल्नु भएको थियो भने सहायक क्याम्पस प्रमुख कल्पना लम्सालले स्वागत गरेकी थिइन् ।
भेलामा कक्षा ११ को नयाँ पाठ्यक्रम, सो बमोजिमको विद्यार्थी मुल्याङ्कन प्रक्रिया, मासिक परिक्षाको नतिजा, छात्रवृत्ति, विद्यार्थी शुल्क, नियमित अध्यन अध्यापनमा देखिएका गुनासा, सुझाव, बितरण प्रक्रिया र स्नातक तहका विद्यार्थी भर्ना कार्यक्रमको बारेमा छलफल भएको थियो।
अभिभावकले उक्त भेलामा राखेका जिज्ञासा र गुनासोको कक्षा ११/१२ का कार्यक्रम संयोजक चिरन्जिबी बस्नेत र बिज्ञानका प्राध्यापकहरु सागर न्यौपाने, प्रकाश गैह्रे, रबिन केसी र गणितका प्राध्यापक गोपाल ढुंगानाले सहजिकरण गरेका थिए ।
भेलामा अभिभावक प्राध्यापक संघका सदस्य क्या .खिल बहादुर थापा, प्रमिला गुरुङ लगायत ११० जना अभिभावक र प्राध्यापक कर्माचारीहरुको उपस्थिति रहेको क्याम्पसले जनाएको छ ।
