तनहुँमा भएका छुट्टाछुट्टै दुर्घटनामा परी २ जनाको मृत्यु, ४ जना घाइते
भञ्ज्याङ न्यूज
तनहुँमा शुक्रबार भएका छुट्टाछुट्टै दुर्घटनामा परी २ जनाको मृत्यु भएको छ भने ४ जना घाइते भएका छन् । पृथ्वीराजमार्ग अन्तरगत तनहुँको व्यास-१२ घाँसीकुवामा मोटर साइकल दुर्घटना हुँदा एक जनाको मृत्यु भएको छ । उक्त दुर्घटनामा आमाछोरा घाइते भएका छन् ।
दुर्घटनामा परी ज्यान गुमाउनेमा धादिङ-८ निवासी २२ वर्षका गोविन्द मगर छन् । डुम्रेबाट दमौली तर्फआउँदै गरेको ग१४प २५१२ नम्बरको मोटरसाइकल ग१ह ०१ नम्बरको अटोसंग ठक्कर खाई बा४ख ८९९६ नम्बरको बसमा ठोक्किन पुग्दा दुर्घटना भएको जिल्ला प्रहरी कार्यालय तनहुँले जनाएको छ ।
उक्त दुर्घटनमा परी धादिङ-८ गल्छीबेसी निवासी २० वर्षीया सुनिता तामाङ र उनका छोरा ३ वर्षका आशिष घाइते भएका हुन् । घाइते भएका गोविन्दको उपचारका क्रममा दमौली अस्पतालमा निधन भएको प्रहरीले जनाएको छ ।
घाइतेको पोखरा स्थित मेट्रो सिटी अस्पतालमा उपचार भइरहेको तनहुँ प्रहरीले जनाएको छ ।
यस्तै, तनहुँको व्यास नगरपालिका-६ साँजास्थित बाकोरे खोलास्थित कच्ची सडकमा एक ट्याक्टर दुर्घटना हुँदा एक बालकको मृत्यु भएको छ । ट्याक्टर सडकबाट झण्डै तीन सय मिटर तल खसेर भएको दुर्घटनामा परी बालकको ज्यान गएको तनहुँ प्रहरीले जनाएको छ ।
स्थानीय ९ वर्षका सरोज थापाको सोही ट्याक्टरको ढालाले च्यापिएर घट्नास्थलमै मृत्यु भएको प्रहरीले जनाएको छ ।
साँजाबाट सेखाटार तर्फजाँदै गरेको ग१त ३०८३ नम्बरको ट्याक्टर अनियन्त्रत भई दुर्घटना हुँदा ट्याक्टर चालक ब्यास नगरपालिका-६ सेखाटार बस्ने बर्ष४० का बुद्धी श्रेष्ठ र ट्याक्टरमा सवार मृतक सरोजकी आमा वर्ष२७ कि सरस्वती थापा र्घाईते भएका छन् ।
दुर्घटनामा परी घाइते भएकाको दमौली अस्पतालमा उपचार भैरहेको प्रहरीले जनाएको छ ।
