प्रवासीको सहयोगमा भिमादको मिछुर्लुङमा भ्यूटावर बनाइदै

तनहुँको भिमाद नगरपालिका-५ स्थित मिछुर्लुङमा प्रवासीको सहयोगमा भ्यूटावर निर्माण गरिने भएको छ । मगर समुदायको गाउँ मिछुर्लुङलाई ग्रामीण पर्यटकीय केन्द्र बनाउन प्रवासीहरुले भ्यूटावर निर्माण गर्न लागिएको हो । खैरेनिटारबाट करिब ७ कि.मी. दक्षिण लागेपछी भिमाद बजारमा पुगिन्छ । भिमाद बजारबाट शृंग मार्ग तर्फ करिब ५ कि.मि. उकालो पारगरे पछी सुन्दर गाऊँ मिछुर्लुङ पुग्न सकिन्छ ।

यो गाउँमा घुम्न आउने पर्यटकलाई खान र बस्नको राम्रो व्यवस्थाका लागि सामुदायिक होमस्टे सञ्चालनमा ल्याइएको छ । गाउँमा स्थानीय उत्पादनका परिकार खुवाउनुका साथै मगर समुदायको संस्कार संस्कृति अध्ययन अवलोकन गर्न पाइन्छ ।

ऋषिङ घिरिङ लगायतका ऐतिहासिक गाउँहरु मिछुर्लुङमा गाउँहुँदै गइन्छ । यहाँबाट देबचुली, बडाचुली जस्ता अग्ला पहाडी क्षेत्र अवलोकन गर्न सकिन्छ । गाउँमा आँटीथाप झरना र ढुङढुङ्गे पहरापनि आकर्षक स्थल हो ।

गाउँमा पर्यटकलाई आकर्षित गर्न र सामुदायिक होम स्टेलाई प्रबर्द्धन गर्ने उद्देश्यले हाल प्रबासमा रहेका मिछुर्लुङ गाउँका युवाहरुको आर्थिक सहयोगमा भ्यूटावर निर्माण गर्न लागिएको युरोपमा कार्यरत महेन्द्र आलेले जानकारी गराए ।

गाउँमा भ्यूटावर निर्माणका लागि आर्थिक सहयोग संकलन अभियानमा युरोपमा महेन्द्र आले, अमेरिकामा सुरेन्द्र आले, अस्ट्रेलियामा बिमल थापा, जापानमा कृष्ण लालचन, खाडी मुलुकमा मोहन थापालाई आर्थिक संकलन गर्ने जिम्मेवारी दिएको छ ।

अभियान अन्तरगत हालसम्म ३२ लाख ५० हजार रुपैयाँ आर्थिक सहयोग संकलन भएको आलेले बताए । संकलित सहयोग रकम तनहुँ समाज यूकेका सचिब बेदराज पराजुलीले मिछुर्लुङ भ्यूटावर निर्माण समितिका अध्यक्ष नरेन्द्र थापालाई हस्तान्तरण गरेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर