स्थानीय निर्वाचन : एमाले भानुमा ७, घिरिङमा ५, देवघाटमा ६ जना आकांक्षी

आसन्न स्थानीय तहको निर्वाचन नजिकिएसंगै अहिले दलहरुलाई वडा र पालिकाको नेतृत्व गर्न इच्छुक आकांक्षी उम्मेदवारहरुको नामावली संकलन गर्न भ्याई नभ्याई भइरहेको छ ।

नेकपा एमाले तनहुँले पनि अहिले तनहुँका चार नगरपालिकाका प्रमुख, उपप्रमुख, छ गाउँपालिकाका अध्यक्ष उपाध्यक्ष, ८५ वडाका अध्यक्ष तथा सदस्य पदमा आकांक्षा व्यक्त गर्नेहरुको नामावली संकलनमा लागि परेको छ ।

नामावली संकलन गर्ने क्रममा जिल्लाको भानु नगरपालिकाको प्रमुख पदमा ७ जना आकांक्षी अगाडि आएका छन् । उम्मेदवार चयन गर्ने सम्बन्धमा बुधबार आयोजित नगर कमिटीको बैठकमा ७ जनाले प्रमुख पदमा आकाक्षा व्यक्त गरेका छन् ।

यस्तै, उपप्रमुख पदका लागि ४ जनाले आकांक्षा व्यक्त गरेका छन् । बैठकले उम्मेदवार सिफारिस सम्बन्धी कुनै निर्णय गर्न नसकेपछि आकांक्षीहरुको नामावली जिल्ला कमिटी मार्फत प्रदेश कमिटीमा पठाउने निर्णय गरेको छ ।

भानु नगरको प्रमुख पद दाबा गर्नेहरुमा सुनिल पाण्डे, सीताराम बजगाई, हरिबहादुर पाण्डे, कलाकुमारी ढकाल, शंकर रानाभाट, कृष्णराज ढकाल र श्याम थापा रहेका छन् । यसअघि देखि मेयरको आकांक्षीको रुपमा र्सवाधिक चर्चा गरिएका नगर कमिटीका अध्यक्ष प्रेम रानाले इच्छा जाहेर गरेका छन् ।

यस्तै उपप्रमुखमा रुपा लामा, देवु विष्ट, भगवती देउजा र गिता अधिकारीले नाम दर्ता गराएका छन् । बैठकले नगर कमिटीका अध्यक्ष प्रेम रानाको संयोजकत्वका ५ हजार १ सदस्यीय चुनाव परिचालन मूल समिति गठन गरेको छ ।

यस्तै, घिरिङ गाउँपालिकाको अध्यक्ष पदका लागि पाँच जना आकांक्षी अगाडि आएका छन् । गाउँपालिकाको अध्यक्षमा एमालेबाट वर्तमान अध्यक्ष रनबहादुर राना सहित गण्डकी प्रदेश कमिटीका सदस्यद्वय विष्णुभक्त सिग्देल र होमबहादुर थापा, गाउँपालिका कमिटीका अध्यक्ष विष्णुप्रसाद ढकाल र जिल्ला कमिटी सदस्य इन्द्र थापा अध्यक्ष पद दाब गर्दै अगाडि आएका छन् ।

यता देवघाट गाउँपालिकाको अध्यक्ष पदको आकांक्षा व्यक्त गर्दै ६ जना अगाडि आएका छन् । २०७४ को निर्वाचनमा गाउँपालिका अध्यक्ष, दुइ वडामा बिजयी भएको एमालेमा यस पटक गाउँपालिका अध्यक्षका उम्मेदवारको आकांक्षी भने धेरै देखिएका छन् ।

अध्यक्ष पदको आकाक्षा व्यक्त गर्दै हालका अध्यक्ष दुर्ग बहादुर थापामगर, जिल्ला कमिटी सदस्यद्वय बाबुराम अधिकारी, शिवराज पौडेल, गाउँ कमिटीका अध्यक्ष केशव चन्द्र न्यौपाने, गाउँ कमिटीका सचिव भिम बहादुर गुरुङ र ५ नम्बर वडा अध्यक्ष याल बहादुर गुरुङ अगाडि आएका छन् ।

यस्तै, गाउँपालिकाको उपाध्यक्ष पदमा अनेम संघ देवघाट अध्यक्ष सावित्री न्यौपाने, अनेमा संघका जिल्ला सदस्य जुलिमायाँ सारुमगर र वडा नं. ५ का वडा सदस्य ठाकुर कुमारी काफ्लेले आकांक्षा व्यक्त गरेका छन् । आकांक्षी मध्यबाट आगामी २५ गते बस्ने गाउँ कमिटीको बैंठकले उम्मेदवार सिफारिस गर्ने बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर