स्थानीय निर्वाचन : तनहुँमा १ हजार ७४१ जनाको उम्मेदवारी मनोनयन दर्ता
भञ्ज्याङ न्यूज
आसन्न स्थानीय निर्वाचनका लागि तनहुँका १० वटै पालिकामा १ हजार ७४१ जनाको उम्मेदवारी मनोनयन दर्ता भएको छ । निर्वाचन आयोग नेपालले मंगलबार सार्वजनिक गरेको विवरणमा आइतबार र सोमबार भएको उम्मेदवारी मनोनयन दर्ता कार्यक्रममा तनहुँको १० पालिका र ८५ वटा वडाका विभिन्न पद उक्त संख्याको उम्मेदवारी दर्ता भएको हो ।
आयोगको विवरण अनुसार चार नगरपालिकाको प्रमुख पद दाबा गर्दै ३४, उपप्रमुखमा २३ जनाको उम्मेदवारी दर्ता भएको छ भने छ गाउँपालिकाको अध्यक्ष पद दाबा गर्दै ३७ र उपाध्यक्ष पदमा ३३ जनाको उम्मेदवारी दर्ता भएको छ ।
यस्तै, तनहुँका ८५ वटा वडाको वडाध्यक्ष पद दाबा गर्दै ४०६ जना उम्मेदवारले मनोनयन दर्ता गरेका छन् । वडाका महिला सदस्यमा २९५, दलित महिला सदस्यमा २७७ जना र खुल्ला सदस्यमा ६३६ जनाको उम्मेदवारी मनोनयन दर्ता भएको छ ।
जिल्ला निर्वाचन कार्यालय तनहुँको विवरण अनुसार जिल्लाको व्यास नगरपालिकाको प्रमुखमा १३ जना, उपप्रमुखमा ८ जना, वडाध्यक्षमा ७७ जना, वडा सदस्य खुलामा १२८ जना, महिला वडा सदस्यमा ५८ जना र दलित महिला सदस्यमा ५५ जनाको उम्मदेवारी मनोनयन दर्ता भएको छ ।
भानु नगरपालिकाको प्रमुखमा ६ जना उपप्रमुखमा ४ जना, वडाध्यक्षमा ७३ जना, खुला वडा सदस्यमा १२१ जना, महिला वडा सदस्यमा ५८ जना र दलित महिला सदस्यमा २३ जनाले उम्मेदवारी मनोनयन दर्ता गरेका छन् ।
यस्तै, भिमाद नगरपालिकाको प्रमुखमा ६ जना, उपप्रमखमा ५ जना, वडा अध्यक्षमा ३१ जना, खुला वडा सदस्यमा ४४ जना, महिला वडा सदस्यमा २१ जना र दलित महिला सदस्यमा २३ जनाको उम्मेदवारी दर्ता भएको जिल्ला निर्वाचन कार्यालय तनहुँले जनाएको छ ।
शुक्लागण्डकी नगरपालिकाको प्रमुख पदमा ८ जना र उपप्रमुखमा ५ जनाको उम्मेदवारी मनोनयन दर्ता भएको छ भने वडा अध्यक्षमा ६८ जना, खुला वडा सदस्यमा ९१ जना, महिला वडा सदस्यमा ४० जना र दलित महिला सदस्यमा ३५ जनाको उम्मेदवारी मनोनयन भएको छ ।
त्यस्तै, आँवुखैरेनी गाउँपालिकाको अध्यक्ष पदमा ६ जना, उपाध्यक्षमा ७ जना, वडा अध्यक्षमा ३१ जना, खुला वडा सदस्यमा ४३ जना, महिला वडा सदस्यमा २३ जना र दलित महिला सदस्यमा २२ जनाको उम्मेदवारी मनोनयन दर्ता भएको छ ।
ऋषिङ गाउँपालकाको अध्यक्ष पदमा ६ जना, उपाध्यक्षमा ४ जना, वडा अध्यक्षमा २८ जना, खुला सदस्यमा ४१, महिला सदस्यमा १८ र दलित महिला सदस्यमा १७ जनाको उम्मेदवारी मनोनयन दर्ता भएको छ । घिरिङ गाउँपालिकाको अध्यक्षमा ४, उपाध्यक्षमा ३ जना, वडाध्यक्षमा १८ जना, खुला वडा सदस्यमा ३३, महिला सदस्यमा १३ र दलित महिला सदस्यमा १५ जनाको उम्मेदवारी मनोनयन दर्ता भएको छ ।
यस्तै, देवघाट गाउँपालिकाकोको अध्यक्षमा ९ जना, उपाध्यक्षमा ६ जना, वडा अध्यक्षमा १९ जना, खुला सदस्यमा ३३ जना, महिला वडा सदस्यमा १९ जना र दलित महिला सदस्यमा १३ जनाको उम्मेदवारी मनोनयन दर्ता भएको छ । बन्दिपुर गाउँपालिकाको अध्यक्षमा ६ जना, उपाध्यक्षमा ७ जना, वडा अध्यक्षमा २७ जना, खुला वडा सदस्यमा ४५ जना, महिला सदस्यमा २१ र दलित महिला सदस्यमा २० जनाको उम्मेदवारी मनोनयन दर्ता भएको छ ।
म्याग्दे गाउँपालिकाको अध्यक्षमा ६ जना, उपाध्यक्षमा ६ जना, वडा अध्यक्षमा ३३ जना, खुला वडा सदस्यमा ५० जना, महिला वडा सदस्यमा २३ र दलित महिला सदस्यमा २१ जनाको उम्मेदवारी मनोनयन दर्ता भएको छ।
आइतबार र सोमबार जिल्लाको स्थानीय तहमा स्थापना भएका निर्वाचन अधिकृतको कार्यालयमा राष्ट्रिय मान्यता पाएको ६ र स्थानीय १७ गरी २३ दलले उत्साहपूर्णरूपमा मनोनयन दर्ता भएका थिए । मंगलबार उम्मेदवारको विरोधमा उजुरी लिने कार्यतालिका रहेको थियो ।
यस्तै, वैशाख १४ र १५ गते मनोयनपत्र जाँच तथा उजुरीमाथि जाँचबुझ र निर्णय दिने, वैशाख १५ गते मनोनयन भएका उम्मेदवारको नामावली प्रकाशन तथा वैशाख १६ गते उम्मेदवारको नाम फिर्ता तथा उम्मेदारको अन्तिम नामावली प्रकाशन गर्ने कार्यतालिका आयोगले सार्वजनिक गरेको छ ।
