दमौलीमा कात्तिक १५ र १६ गते निःशुल्क स्वास्थ्य शिविर
भञ्ज्याङ न्यूज
तनहुँको दमौलीमा निःशुल्क बृहद स्वास्थ्य शिविर गरिने भएको छ । दमौली अस्पतालको सहयोग र रोटरी क्लब दमौलीको आयोजनामा कात्तिक १५ र १६ गते स्थानीय र विदेशी चिकित्सकहरुबाट स्वास्थ्य शिविर सञ्चालन गरिने भएको छ ।
दमौली अस्पताल र ताइवानका रोटरियन चिकित्सकहरुको सहयोगमा सञ्चालन गर्न लागिको स्वस्थ्य शिविरमा दाँत, हाडजोर्नी, आँखा, स्त्री तथा प्रसुति रोग, बालरोग, यौनरोग सम्बन्धी विशेषज्ञ चिकित्सकहरुद्वारा परीक्षण गरिने भएको छ । शिविरमा एक्स-रे/भिडियो एक्स-रे, प्रयोगशाला परीक्षणका साथै निःशुल्क औषधी वितरण गरिने बताइएको छ ।
व्यास नगरपालिका, म्याग्दे गाउँपालिका र शुक्लागण्डकी नगरपालिकाले शिविरमा विशेष सहयोग गर्नुका साथै रोटरी क्लवसंग सम्बन्ध विभिन्न क्लवहरु स्वयंसेवी सहयोग गर्ने बताइएको छ ।
