रोटर्‍याक्ट क्लव दमौलीमा अधिकारी चयन

रोटर्‍याक्ट क्लब अफ दमौलीले आगामी वर्षको अध्यक्षमा रबि अधिकारीलाई चयन गरेको छ । शनिवार सम्पन्न क्लबको ४५५औँ नियमित बैठकले अधिकारीलाई अध्यक्षमा चयन गरेको हो ।

बिगत ८ वर्षदेखि क्लबको विभिन्न पदमा क्रियाशिल अधिकारीले रोटा वर्ष २०२४/०२५ मा नेतृत्व सम्हालेका थिए । रोटा वर्ष २०१६/०१७ मा सदस्य पदबाट रोटर्‍याक्ट यात्रा थालेका उनले यसअघि कोषाध्यक्ष, क्लब सर्भिस डिरेक्सर, डिरेक्सर चियर, साप कोर्डिनेटर हुदै उपाध्यक्ष पदमा रहेर काम गरिसकेका छन् ।

साथै उनी रोटर्‍याक्ट डिष्टिकले आयोजना गर्ने धेरै कार्यक्रममा सहभागी भइसकेका छन् भने क्लबले आयोजना गर्ने धेरै कार्यक्रमको संयोजकको भूमिका पनि निर्वाह गरेका छन् । उनले रोटर्‍याक्ट दमौलीको विद्यमान गरिमालाई थप उचाइमा पुर्‍याउने प्रतिवद्धता व्यक्त गरेका छन् । सबैसँग सहकार्य र समन्वय गरी आफ्नो कार्यकाललाई रचनात्मक बनाउन पहल गर्ने उनले बताएका छन् ।