तनहुँको भानु नगरपालिकामा आधारभूत आवश्यकता सम्बन्धी अन्तरक्रिया

तनहुँको भानु नगरपालिकामा मंगलबार शिक्षा, स्वास्थ्य, खाद्य र आवास लगायतका आधारभूत आवश्यकताका विषयमा स्थानीय सरकार र सरोकारवाला विच अन्तरक्रिया गरिएको छ । अनौपचारिक क्षेत्र सेवा केन्द्र (इन्सेक)ले मानवअधिकार संरक्षण र सम्बर्धनका लागि राज्यको जवाफदेहिता तथा जनताको सहभागिता अभिबृद्धी परियोजना अर्न्तर्गत उक्त कार्यक्रम गरेको हो ।

कार्यक्रममा भानु नगरपालिकाका बरिष्ठ अधिकृत शुनिल पाण्डेले शिक्षा, स्वास्थ्य, खाद्य र आवास नगरपालिकाको प्राथमिकतामा रहेको बताए । पाण्डेलेे संविधानले मौलिकहकको रुपमा व्यवस्था गरेको यी विषयहरुलाई नगरपालिकाले उच्च प्राथमिकतामा राखेर कार्यान्वयन गर्दै आएको बताए ।

आधारभुत विद्यालयमा दिवा खाजा, आधारभुतदेखि माथिल्लो तहका सबै विद्यालयमा सेनेटरी प्याडको उपलब्धता, आधारभुत विद्यालयमा स्मार्ट टिभीको व्यवस्था, कृषकलाई आधुनिक कृषि औजारको व्यवस्था गरिएको तथा दुध र अण्डामा नगरपालिका आत्मनिर्भर भएको पाण्डले जानकारी गराए ।

नगरपालिकाले चालु आर्थिक वर्षमा संचालन गरेको शिक्षा, स्वास्थ्य, खाद्य र आवाससँग सम्बन्धित कार्यक्रमको बारेमा कार्यपत्र प्रस्तुत गर्दै नगरपालिकाका बरिष्ठ अधिकृत पाण्डेले शिक्षा, स्वास्थ्य, खाद्य र आवाससँग सम्बन्धित कार्यक्रम र योजनाहरुलाई प्राथमिकतामा राखि सम्पन्न गर्ने र नीतिहरु बनाउँदा पनि त्यसैलाई नै प्राथमिकतामा राख्ने गरेको बताए ।

उक्त कार्यक्रममा नगरपालिकाका स्वास्थ्य शाखा प्रमुख ऐश्वर्यचन्द्र भट्टराइ, कृषि शाखा प्रमुख प्रताप पाण्डे, शिक्षा शाखाका श्रोत व्यक्ति श्रीकृष्ण त्रिपाठी, पशु शाखाका प्राविधिक धनबहादुर कुमालले सहभागीको जिज्ञासाको उत्तर दिई आ-आफ्नो शाखाले सम्पादन गर्दै आएका कार्यक्रमको विषयमा सहभागिलाई जानकारी गराएको इन्सेक प्रतिनिधि प्रकाशचन्द्र भट्टराइले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर