दमौलीमा “श्रीमद् भगवद् गीता ज्ञान महायज्ञ” सुरु
दमौली : ब्रह्माकुमारी ईश्वरीय विश्व विद्यालय, दमौली शाखाले आजबाट २६ गतेसम्म “श्रीमद् भगवद् गीता ज्ञान महायज्ञ” सञ्चालन गरेको छ । व्यास नगरपालिका–३ स्थित दमौली सभागृहमा महायज्ञका सञ्चालन गरेको हो ।
प्राचीन वैदिक ज्ञान श्रीमद् भगवद् गीतालाई आधुनिक जीवनशैली र विज्ञानसँग जोडेर व्यवहारिक रूपमा प्रस्तुत गर्ने उद्देश्यले उक्त महायज्ञ आयोजना गरिएको बताइएको छ ।
यस्तै, महायज्ञको मुख्य आकर्षण वैज्ञानिक एवं व्यवहारिक प्रवचन रहनेछ । गीतामा निहित शाश्वत सत्य ज्ञानलाई आजको समाजमा देखिएका मानसिक तनाव, चिन्ता, डिप्रेसन, भय, दुःख र असुरक्षाजस्ता समस्यासँग जोडेर समाधानका उपाय प्रस्तुत गरिने आयोजकले जानकारी दिएको छ । चिन्तन–मननमार्फत जीवनमा शान्ति, खुसी र आनन्दको अनुभूति गराउने उद्देश्यले कार्यक्रम सञ्चालन गरिन लागेको बताइएको छ ।
महायज्ञमा मुख्य प्रवचकका रूपमा राजयोगिनी ब्रह्माकुमारी अमृत दिदी रहेको बताइएको छ । उनले मूल्य शिक्षा तथा आध्यात्मिकता विषयमा स्नातकोत्तर हुनुका साथै तनाव व्यवस्थापन र गीता विषयकी विज्ञ हुन् ।
उनले गीताको वास्तविक सार, आत्मा–परमात्माको सम्बन्ध तथा परमात्मा प्रत्यक्षताको आधारबारे सरल र स्पष्ट ढंगले प्रवचन दिने आयोजकले जनाएको छ। कार्यक्रम पूर्ण रूपमा निःकाम, निःस्वार्थ र निःशुल्क रहेको आयोजकले स्पष्ट पारेको छ । कार्यक्रममा प्रत्यक्ष उपस्थित हुन नसक्ने श्रद्धालुहरूका लागि ब्रह्माकुमारी दमौलीले अनुरोध गरेको छ ।
