निर्वाचित सदस्यहरुलाई नेकपा एमाले बन्दिपुरको सम्मान, प्रवक्तामा श्रेष्ठ चयन
भञ्ज्याङ न्यूज
नेकपा एमाले बन्दिपुर गाउँ कमिटीले हालसम्म सम्पन्न जिल्ला कमिटीको अधिवेशनबाट सदस्यमा निर्बाचित सदस्यहरुलाई सम्मान गरेको छ ।
बन्दिपुर गाउँ कमिटीका अध्यक्ष सुरेन्द्र थापाको अध्यक्षतामा आयोजित एक कार्यक्रममा गाउँपालिकाबाट जिल्ला कमिटी सदस्यमा निर्वाचितहरुलाई सम्मान गरिएको हो ।
बन्दिपुरको पार्टी संस्थापक सदस्य भरत कायस्थ र पूर्व अध्यक्ष सनद श्रेष्ठद्वयले निर्वाचित सदस्यहरुलाई अबिर र खाँदा लगाएर सम्मान गरेका थिए ।
यस्तै, गत पौष २३ गते भएको नेकपा एमाले तनहूँको जिल्लाको अधिवेशनबाट बन्दिपुरका ८ जना निर्वाचित भएका छन् । भुगोल तर्फाट पुरुषमा गोविन्द प्रसाद अधिकारी, भिम बहादुर गौतम, काशी नाथ भट्टर्राई छन् ।
त्यस्तै, महिलातर्फ शान्ति कुँवर र फुलमती थापा र जनजाति तर्फधन बहादुर आले (२९७ मत), खुल्लाबाट भगवान श्रेष्ठ (२९७ मत) र महिला तर्फाट सविना मल्ल निर्विरोध निर्वाचित भएका थिए ।
गाउँ कमिटी अध्यक्ष भने पदेन जिल्ला सदस्य हुने ब्यवस्था रहेको छ । यससँगै बन्दिपुरमा नेकपा एमालेका जिल्ला प्रतिनिधिहरुको संख्या ९ पुगेको छ ।
उक्त बैठकले बन्दिपुर गाउँ कमिटीको प्रबक्तामा उपाध्यक्ष शिव कुमार श्रेष्ठ, कार्यालय सचिवमा हरिश्चन्द्र भट्टराइ र सल्लाहकार संयोजकमा भरत कायस्थलाई चयन गरिएको छ ।
