नयाँ वर्षमा दमौलीमा सांगितक साँझ हुने

तनहुँको दमौलीमा नेपाली नयाँ वर्षको अवसरमा सांगितिक साँझ (कन्सर्ट) हुने भएको छ । होटल व्यवसायी संघ तनहुँले नयाँ वर्षको अवसरमा साङ्गतिीक साँझ गर्न लागेको हो ।

२०७८ साललाई विदाई गर्दै २०७९ साललाई स्वागत गर्न कार्यक्रम आयोजना गरिएको संघका अध्यक्ष दुर्गाविलास भट्टराइले बताए ।

कार्यक्रमका विषयमा जानकारी गराउन मंगलबार आयोजित पत्रकार सम्मेलनमा संघ अध्यक्ष भट्टराइले कोभिडले थला परेको होटल व्यवसायको प्रबर्धनका लागि कार्यक्रम गर्न लागिएको बताए ।

संघले २०७६ साललाई विदाई गर्दै २०७७ साललाई स्वागत गर्न कार्यक्रम गरेपनि त्यसपछि कोभिडका कारण कार्यक्रम गर्न नसकिएको र सोही कार्यक्रमको निरन्तरता लागि कार्यक्रम आयोजना गरिएको भट्टराइले बताए ।

‘अनुभव विनापनि पहिलो पटक कार्यक्रम गरेका थियौ, अहिले केही अनुभव हासिल भएको छ,’ उनले भने, ‘नयाँ वर्षका अवसरमा युवायुवतीलाई दमौलीमा नै मनोरञ्जन दिने हाम्रो उद्देश्य हो । नयाँ वर्ष मनाउन पोखरा, सौराहा, बन्दिपुर जाने चलन छ, यही मनोरञ्जन दिने हाम्रो लक्ष्य छ ।’

कार्यक्रममा करिब पाँच हजार दर्शक रहने अनुमान गरिएको छ। महोत्सवबाट बचेको रकम सामाजिक काममा खर्च गरिने बताइएको छ । चर्चित व्याण्ड ‘कववेव’को प्रस्तुती रहने कार्यक्रमका लागि ३०० र ३५० को टिकटको व्यवस्था गरिएको छ।

सेयर गर्नुहोस्

प्रतिक्रिया दिनुहोस्

सम्बन्धित खवर