कोरोना संक्रमण बढ्दै
भञ्ज्याङ समाचारदाता/दमौली
कोरोना भाइरस संक्रमण दैनिक बढिरहेको छ । बुधबार एकै दिन ११३ जनामा संक्रमण देखिएको हो । मङ्गलबार मात्र ९० जनामा संक्रमण पुष्टि भएको थियो । स्वास्थ्य तथा जनसंख्या मन्त्रालयका प्रवक्ता डा सङ्गीताकौशल मिश्राले बुधबार नियमित पत्रकार सम्मेलनमा दुइ हजार ७२४ कोरोना परीक्षण गर्दा ११३ जनामा संक्रमण पुष्टि भएको जानकारी दिएका छन् ।
उनका अनुसार हाल सक्रिय संक्रमणको संख्या ४७१ जना रहेका छन् । विगत २४ घण्टामा २० जना संक्रमणमुक्त भएका छन् । योसँगै संक्रमणमुक्त हुने संख्या नौ लाख ६७ हजार ५७५ पुगेको छ ।
यो दर ९८.७ प्रतिशत रहेको मन्त्रालयले जनाएको छ । हाल होम आइसोलेसनमा ४६९, संस्थागत आइसोलेसनमा दुइ, भेन्टिलेटरमा एक र दुइ जना सघन उपचार कक्ष -आइसियु)मा उपचार भइरहेको छ।
