म्याग्देमा सुत्केरीसंग अध्यक्ष कार्यक्रम : २१ जनालाई पोषण भत्ता वितरण
भञ्ज्याङ न्यूज
तनहुँको म्याग्दे गाउँपालिकाले सुत्केरीसँग अध्यक्ष कार्यक्रम अन्तर्गत २१ जनालाई पोषण भत्ता वितरण गरेको छ । थर्पु स्वास्थ्य चौकीको समन्वय र पालिकाको आयोजनामा गाउँपालिका भित्रका स्वाथ्य चौकीमा सुत्केरी भएको महिलालाई अध्यक्ष श्रीप्रसाद श्रेष्ठले पोषण भत्ता वितरण गरेका हुन् ।
गाउँपालिकाका अध्यक्ष श्रेष्ठले सभ्य समाज निर्माणका लागि स्वास्थ्य हुन आवश्यक भएको बताउँदै स्वस्थ्य वच्चा जन्मनका लागि आमा स्वास्थ्य र बलियो हुन आवश्यक रहेको हुँदा गाउँपालिकाले यो कार्यक्रम अगाडि ल्याएको चर्चा गरे ।
र्’गर्भवती चरणदेखि नै आमा कमजोर हुन्छ । यो समयमा महिलालाई पोषिलो खानाको आवश्यक हुन्छ’, अध्यक्ष श्रेष्ठले भने, ‘आमालाई स्वास्थ्य रहन बच्चा जन्मनुभन्दा पहिलादेखि नै नियमित रुपले पालिकाले सकेको स्वास्थ्य उपचार दिएको र बच्चा जन्मिसकेपछि धेरै पोषिलो खाना खुवाउनुपर्ने हुँदा गाउपालिकाले सकेको आर्थिक सहयोग गरेका छौ । जसले गर्दा थोरै भएपनि आर्थिक विपन्नता भएकाका लागि राहत पुगेको छ ।’
गाउँपालिकाले प्रति सुत्केरी ५ हजार, नेपाल सरकारले गर्भवती उत्प्रेरणा कार्यक्रम अन्तर्गत ८०० र यातायात खर्च दिने गरेको छ । जनतासंगको सहकार्य हाम्रो पहिलो आधार हो, त्यही अनुरुप हामीले सुत्केरीसंग अध्यक्ष कार्यक्रम ल्याएका गाउँपालिकाका उपाध्यक्ष बालकृष्ण घिमिरेले बताए ।
यस्तै, गाउँपालिकाले गर्भवती हुनका लागि घरबाट स्वास्थ्य चौकीसम्मको एम्वुलेन्सको व्यवस्था र चौकीमा सुत्केरी हुन नसकेमा पोखरासम्मको एम्वुलेन्स सेवा पनि निःशुल्क दिदै आएको थर्पु स्वास्थ्य चौकीका सिनियर अहेव सुर्य श्रेष्ठले जानकारी गराए ।
चालु आर्थिक वर्षो हालसम्म स्वास्थ्य चौकीमा सुत्केरी भएका २१ जना महिलाहरुलाई पोषण र यातायात खर्च प्रदान गरिएको अहेवा श्रेष्ठले बताए ।
