उम्मेदवार श्रेष्ठको घरदैलो अभियान तीब्र

आगामि मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि तनहुँ क्षेत्र नं. १ को प्रदेशसभा १ का लागि नेपाली कांग्रेसका तर्फबाट उम्मेदवार बनेका अशोक कुमार श्रेष्ठले घरदैलो अभियानलाई तीब्र पारेका छन् ।

आफ्नो पक्षमा मत माग्दै श्रेष्ठ मतदाताको घरदैलो, खेतबारीमा पुगेका छन् भने उनले आफ्ना चुनावी एजेण्डा सुनाएर आफूलाई मतदान गर्न आग्रह गरेका छन् । श्रेष्ठ केही दिन यता भानु नगरपालिकाका विभिन्न वडामा घरदैलोमा व्यस्त छन् । श्रेष्ठले भानु नगरपालिका-१२ ओख्लेस्थित पूर्व डिआइजी खोजबहादुर गुरुङसँग भेट गर्दै आफूलाई सहयोग गर्न आग्रह गरेका छन् ।

यस्तै श्रेष्ठले भानु नगरपालिका-९ बाइसजाँगरमा घरदैलो गरेका छन् । घरदैलोमा क्रममा स्थानीयले उम्मेदवार श्रेष्ठलाई स्वागत गर्दै विजयको शुभकामना दिएका थिए । श्रेष्ठले भानु नगरपालिका-९ रानागाउँमा घरदैलो गर्दै बाम लोकतान्त्रिक गठबन्धनका उम्मेदवरलाई विजयी गराउन आहृवान समेत गरेका छन् । घरदैलोका क्रममा जनताबाट प्राप्त समर्थनले उत्साहित बनाएको र जनताको र्समर्थन नै मेरो जितको आधार भएको बताएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर